豪門壓力拖垮利記門將?近年門將表現比較


直至艾利臣來投之前,利物浦門將從來都俾唔到人穩陣嘅感覺。究竟由中遊球隊加盟豪門,尤其作為背負住無數利迷希望嘅利記門將,係咪特別大壓力?

門將分析師 John Harrison 統計了近年幾位利記門將加盟利記前後嘅表現,以xSave去比較每位門將嘅預期及實際撲救表現。發現只有連拿當年喺加盟後並無特別大走樣,其餘門將好似米奴列、卡利奧斯、阿祖安等,為利記把關時嘅撲救表現都比加盟以前有唔同程度嘅退步。



連拿於加盟初期表現唔錯,撲12碼尤其出色,但之後表現開始走下坡,但總括而言以xSave數據比較(xSave model只有2011年打後的數據)佢算係最穩定嘅一個,與預期表現比較沒有太大走樣。


米奴列及卡利奧斯於加盟前有比預期表現好嘅撲救表現,但於加盟利記後水準有明顯下滑。後者於2018年企穩正選後表現有所回升,可惜於季尾最重要嘅一場賽事(歐聯決賽對皇馬)犯錯,連累球隊失落錦標之餘到而家都仲未recover到啊陰公。


至於阿祖安,其實加盟利物浦之前表現已有所下滑,原本只期望佢做第二門將本土盃賽作替補,但勢估唔到艾利臣受傷要佢頂替一段時間,球隊雖然keep住贏波但其實因阿祖安失誤導致嘅失球都唔少。

除咗因為球會名聲而做成嘅壓力外,球隊守門員教練阿治達貝治 John Achterberg 一直以來都係被受爭議嘅人物。自2009年加盟成為一隊龍門教練後一直被質疑未能訓練出一流門將,但所有同佢共事過嘅領隊都讚佢係個出色專業嘅守門員教練。直至艾利臣加盟後出色穩定嘅表現先算係幫佢平反。

今晚喺艾利臣繼續缺陣下,預計年輕小將基利靴將再次把守最後一關。之前兩場未至於零失誤,但關鍵時刻每每能作出正確決定幫球隊力保不失,表現受球隊內外一致讚賞。自我期望愈高有時容易做成另類心理壓力,能否將壓力轉化為動力至為關鍵。今場又可否頂住壓力連續三場保持不失?我地拭目以待。

留言


請按此登錄後留言。未成為會員? 立即註冊
    快捷鍵:←
    快捷鍵:→