謝德謙門將角度評達奴單刀處理：早出迎未必一定有著數 精選

【 出迎唔單止睇時機仲要睇情況 】


紐卡素易手後第一場英超賽事，開波無耐已經領先熱刺一球，可惜最後都係以 2：3 僅負一球，而當中熱刺前鋒哈利簡尼終於喺今季英超開齋嘅一球單刀波，紐卡素門將達奴實在需要處理得更加好。

當時比賽踢成 1：1，靴爾堡喺中場長傳畀哈利簡尼，哈利簡尼成功突破越位陷阱形成成單刀姿態。達奴見狀立即出迎嘗試封位，可惜被哈利簡尼輕鬆一挑就笠過咗，射成 1：2 令熱刺領先。