禾諾克:唔會有人想同碧福特踢波,佢好L嘈

【 碧福特太嘈? 】

前利物浦球員禾諾克喺 Sky Sports 嘅節目入面提及到佢認為碧福特喺場上乜都鬧令佢好反感。

「我絕對唔會想同碧福特一齊踢波,因為我一定只會想佢收聲唔好再嘈。佢嘅反應同埋講嘢嘅方法真係睇見都覺得癡線。」

主持人就話:「但乜後衛唔係都想佢地嘅門將會出多啲聲提場嘅咩?」

禾諾克就補充:「係呀,但有更好嘅表達方式㗎啫?佢每救完一球,就走去鬧比對方射波嘅嗰個後衛。你係一個守門員,做好你本份,就係救波,唔好下下淨係識鬧個後衛。」

「提場可以用其他方式,例如叫個後衛 Mark 緊啲,企位企好啲。但佢次次一開聲就好嘈,鬧完呢樣鬧嗰樣,實在鬧得太過份。」

雖然之前我地都有講過守門員提場的重要性,但今次都不得不承認禾諾克今次講嘅嘢實在錯唔曬。

無錯,隊友唔小心畀咗機會對手起腳可能會有做得更好嘅地方,但足球比賽就係咁,無可能下下都咁完美一定防守到,就算做唔到,畀一啲有建設性鼓勵性嘅提場唔會對士氣同隊友關係更加好咩?

當然有陣時,如果明知呢位隊友嘅能力唔應該犯一啲較低級嘅錯誤嘅時候,確係會想鬧醒佢,個人認為都唔係一件太過份嘅事,但係唔係真係場場都需要咁樣呢?

各位又點睇禾諾克對碧福特嘅意見呢?各位守門員平時鍾意點樣提點你地嘅隊友呢?而場區球員你地又會想守門員用咩態度去提點你地呢?
標籤: 門將  龍門  守門員  

留言


請按此登錄後留言。未成為會員? 立即註冊
    快捷鍵:←
    快捷鍵:→