【 最忙嘅門將 但係唔係最好？ 】
之前見到英超出咗呢個 Post 又想講下自己少少意見。如果齋睇撲救次數，確實美利亞真係非常忙碌，踢咗32場英超做出 118 次撲救，平均每場成功撲救 3.6 次，如果喺剩低嘅6場聯賽仍然保持到呢個平均數，仲會比起自己喺上季英超嘅 134 次撲救更加多，但又係唔係代表美利亞嘅表現比起上季好呢？
其實中下游球隊被進攻嘅機會更加多，守門員自然要做更加多嘅嘢，但其實有啲世界波無得救，有啲係對手處理得差，所以撲救次數同不失球場次其實實在唔係一個最好嘅守門員撲救能力指標。
咁可以睇咩數據會比較中肯呢，首當其衝一定係睇 「PSxG +/- 射門後預期入球差」。之前都用過唔少次呢項數據去做一個輔助嘅角色解釋守門員嘅季度表現，未聽過呢項數據嘅朋友，簡單啲講 PSxG 就係用歷史數據去計返每場守門員遇到嘅中龍射門喺以往嘅比賽入球率有幾高，然後再用 PSxG 減返實際失球數字，如果結果係正數 代表比預期失少咗幾多球，負數就調返轉代表比預期失多咗幾多球。
而睇返美利亞今季嘅 PSxG +/- ，其實係以 -7.5 排緊英超門將榜尾，即係可以話佢間接大概令到球隊失多7球多啲。而睇返佢喺上季嘅同樣數據，其實係有 +5.3，同今季足足相差差唔多13球。即使今季列斯聯後防表現有啲倒退，但似乎美利亞自己嘅表現同樣下滑，實在係責無旁貸。
而榜上第二嘅迪基亞同祖斯沙，正正排緊喺今季 PSxG +/- 榜嘅第二同第一。迪基亞暫時 PSxG +/- 為 +10.0，而祖斯沙為 +10.7。當然數據只供參考，唔可以完完全全代表一個門將嘅能力，始終現今世代門將嘅能力已經唔單單睇撲救能力咁簡單，但當數據去到呢個極端，相信絕對有相當嘅參考價值。
不過我相信 「Form is temporary, class is permanent」 嘅，生涯總會有高低潮，有能力嘅人一定可以用時間證明自己，所以我就唔信懷才不遇嘅。美利亞究竟捱唔捱得過呢個低潮，唔再係一個法國「未來之星」，真正成為一位令人信服嘅頂級門將呢？以美利亞嘅主動出擊形打法加上仲咁後生，實在值得拭目以待。
數據來源: fbref.com
圖片來源: Premier League
之前見到英超出咗呢個 Post 又想講下自己少少意見。如果齋睇撲救次數，確實美利亞真係非常忙碌，踢咗32場英超做出 118 次撲救，平均每場成功撲救 3.6 次，如果喺剩低嘅6場聯賽仍然保持到呢個平均數，仲會比起自己喺上季英超嘅 134 次撲救更加多，但又係唔係代表美利亞嘅表現比起上季好呢？
其實中下游球隊被進攻嘅機會更加多，守門員自然要做更加多嘅嘢，但其實有啲世界波無得救，有啲係對手處理得差，所以撲救次數同不失球場次其實實在唔係一個最好嘅守門員撲救能力指標。
咁可以睇咩數據會比較中肯呢，首當其衝一定係睇 「PSxG +/- 射門後預期入球差」。之前都用過唔少次呢項數據去做一個輔助嘅角色解釋守門員嘅季度表現，未聽過呢項數據嘅朋友，簡單啲講 PSxG 就係用歷史數據去計返每場守門員遇到嘅中龍射門喺以往嘅比賽入球率有幾高，然後再用 PSxG 減返實際失球數字，如果結果係正數 代表比預期失少咗幾多球，負數就調返轉代表比預期失多咗幾多球。
而睇返美利亞今季嘅 PSxG +/- ，其實係以 -7.5 排緊英超門將榜尾，即係可以話佢間接大概令到球隊失多7球多啲。而睇返佢喺上季嘅同樣數據，其實係有 +5.3，同今季足足相差差唔多13球。即使今季列斯聯後防表現有啲倒退，但似乎美利亞自己嘅表現同樣下滑，實在係責無旁貸。
而榜上第二嘅迪基亞同祖斯沙，正正排緊喺今季 PSxG +/- 榜嘅第二同第一。迪基亞暫時 PSxG +/- 為 +10.0，而祖斯沙為 +10.7。當然數據只供參考，唔可以完完全全代表一個門將嘅能力，始終現今世代門將嘅能力已經唔單單睇撲救能力咁簡單，但當數據去到呢個極端，相信絕對有相當嘅參考價值。
不過我相信 「Form is temporary, class is permanent」 嘅，生涯總會有高低潮，有能力嘅人一定可以用時間證明自己，所以我就唔信懷才不遇嘅。美利亞究竟捱唔捱得過呢個低潮，唔再係一個法國「未來之星」，真正成為一位令人信服嘅頂級門將呢？以美利亞嘅主動出擊形打法加上仲咁後生，實在值得拭目以待。
數據來源: fbref.com
圖片來源: Premier League
請按此登錄後留言。未成為會員? 立即註冊