救唔到世界波被抨擊 舒捷斯尼永遠的罪人 精選

【 日常賽後評 - 世盃外 波蘭 對 英格蘭 - 舒捷斯尼 】

舒捷斯尼呢位門將一向都好易成為眾矢之的，相信除咗因為當年喺阿仙奴嘅時候表現唔算好穩陣，喺羅馬就令艾利臣做後備，去到祖記又食住保方個位。


而最近季初為祖記上陣表現又確係有啲令人失望之餘，剛剛喺對英格蘭嘅世界盃外圍賽又疑似犯錯，令眾人目光再次投放到佢身上，但事實又係咪真係佢錯曬？

波蘭對英格蘭去到下半場嘅賽事，當時雙方仲係 0：0 平手。哈利簡尼大約喺離門30碼距離突然拉弓射門，射出一個角度唔算好刁鑽但非常高速嘅射門，而舒捷斯尼「睇落」好似因為反應慢咗而且無乜起跳動作下，個波飛過佢左手手邊入網。