贊奴沙的蛻變 精選

對新特蘭一戰，贊奴沙成為球隊贏波英雄，個人2分鐘連入2球協助曼聯取得今季唯一一場反勝賽事終止當時既2連敗，賽後贊奴沙受各方面既追捧，甚至傳出佢選擇英格蘭為代表國家隊。
在此之前，贊奴沙並未得到好多上陣機會，而令球迷最深刻既一場就係主場對西布朗，換邊入替香川真司後，曼聯既失波均來自曼聯左路，被認為係贊奴沙經驗不足同隊友未夾到出現防守失誤，成為球隊輸波其中一個因素。兩球成名，令贊奴沙成為左對手重點看守既對象，因為贊奴沙技術、速度、足球智慧、球場視野兼備，速度稱唔上世界級既佢突破輕而易舉，瘦削既身材卻有著聰明既護球技術，令到對手難以喺佢腳下搶波，往往需要兩個球員包抄或者技術性犯規，去制止贊奴沙創造機會，贏過新特蘭後，佢再貢獻直線比雲佩斯同修咸頓打成平手，令到佢信心大增，此後幾場既突破都令到對手食黃牌，證明佢成為被重點看守既對象。但係兩續兩場既好表現，年輕球員既經常出現獨食情況，贊奴沙亦唔例外，到卡迪夫城一戰，贊奴沙獨食表現達到極致，每次接球後都推向人堆之間 (當然仲有曼聯既中場令到左右翼各自為政)，呢場波佢差唔多每次都成為進攻終結者，但佢既突破亦令到對手食黃牌同輸罰球，最終早早喺68分鐘被換出。
而正正喺對卡迪夫城之後，贊奴沙喺突破、傳球、合作作出左改變，或者係受到莫耶斯或雲佩斯或傑斯既指導，傳或射或突破既時機選擇明顯比對卡迪夫城一戰好得多，同隊友之間有合作，為隊友艾夫華補位協防，表現亦漸入佳境，直至對韋斯咸，呢場波有突破、有傳中、有射門，同韋碧克配合後一CUP用右腳射網仔，佢取得左英超主場既第1球，佢指向場邊慶祝，面上表情放鬆，明顯地釋放左唔少心裡面既壓力。
及後既插水黃牌，筆者認為佢喺禁區內被推跌後受對手光頭佬指罵而進行既報復，否則點解要喺佢面前插水呢？

禁區內被推跌後受指罵
插水拎黃牌既一刻
英格蘭習慣吹捧年青球員，受唔到既往往一沉不起，所幸既係贊奴沙可以及時調整心態與隊友增加互動，英超第3球，或者呢個入波會令佢又受到英格蘭傳媒再次吹捧，但有左上次既經驗，贊奴沙應該能夠克服年青球員既缺點成為曼聯下半季既重要既球員。
筆者絕對唔係吹捧贊奴沙，喺熱身賽時筆者已非常欣賞贊奴沙既踢法，見到佢比同隊球員更有所長進，實在係曼聯既寶藏，如果唔係佢10幾歲果時就唔會咁多強隊搶佢啦，最後都係果句佢有大把空間去成長，而且有機會成為曼聯下一個7號。