[2013]分析曼聯四線兵力 ── 下 精選

上季曼聯折翼，今季翼鋒新人只有沙夏，華一招亦重新披上25號，先睇下翼鋒人腳：
傑斯 (39歲)
楊格 (28歲)
華倫西亞 (28歲)
蘭尼 (26歲)
沙夏 (20歲)
連加特 (20歲)
於熱身賽當中睇得出傑斯狀態未夠，速度減慢左，佢打中路既話已經跟唔上上上落落既節奏，打左翼應該仲可以應付，佢既傳中仲係好殺食；
華倫西亞著左7號波衫後表現大跌 Watt，每次都係帶波 -> Cup停 -> 回傳，不停重覆，唔見晒25號果時既突破落底傳中，原因係對手睇穿晒佢既路數，好彩 keep 得返速度；蘭尼既技術係傑斯之後，但往往都輸喺佢既足球意識，決斷唔到當時要缺既野；
楊格係弱版蘭尼，佢喺左路得一招扣大位射波；
沙夏係費sir 最後一筆收購，但筆者並唔睇好佢，除左快同偶爾突破落底，大把野要改善如射術、傳中、技術，好彩既係佢仲年輕同莫耶斯比機會踢，黎緊睇下有冇大進步啦；
連加特今季亦被莫耶斯提拔，亦入左幾球，表現搶眼，期待佢表現好過楊格。

華倫西亞如重上巔峰可佔據右路，蘭尼同楊格近似，但蘭尼比楊格更好技術、左腳亦較好，如蘭尼提高自己防守積極性，可壓過韋碧克同香川出任正選，傑斯都做左球員兼教練，好快就退落黎，大比數領先佢先會落場？,不過如果夠狀態，喺左路既傑斯係有能力改變戰局。
筆者預料左右翼正選係蘭尼同華倫西亞，而換輪幅度應該比其他位置大。