莫耶斯2個反面教材既換人 精選

正常既出場陣容，正常既球員發揮，曼聯以1球完上半場都係正常。
下半場56'，修咸頓作出第一個調動，換入比 Rodriguez 更高既林拔下半場67'，修咸頓作出第二次調動，換入年俱18歲矮仔 Prowse，取代戴維斯

之後就係莫耶斯連續兩次既世界級調動，
下半場69' 傑斯入替蘭尼
下半場76' 韋碧克入替費蘭尼
蘭尼被換出前，表現不俗，既維持一貫既突破力，亦有威脅傳中，一般教練喺領先1球之下，形勢唔係處於下風，都唔會過早換人 (莫耶斯曾經無厘頭半場換走香川導致輸比西布朗)，又或者教練想入多1球先去變陣，否則都係睇住對手黎食，修咸頓換入林拔後，配合有唔錯身高既奧斯維度，加上原本在陣既雲耶馬，明顯係增加高空波優勢，而修咸頓2次既換人亦慢慢拎到優勢，但莫耶斯卻拎走陣中有威脅既球員，換入年紀大轉數慢既傑斯，令原本優勢唔算太多既修咸頓放心壓上。

去到莫耶斯第2個換人，收起原本擅於應付高空波既費蘭尼，將原本落場打右翼既傑斯推去中場，將打緊左翼既贊奴沙擺去右翼 (此子左中右都能應付)，左翼就比韋碧克去守；卡域克同費蘭尼面對修咸頓中場原本就冇優勢，修咸頓放個18歲既後生仔喺中場，竟然要老人家傑斯走去防？要擺傑斯控球，點解唔係第一下就放佢喺中場？就算要控球，曼聯本身就有卡域克，洗乜傑斯操勞呢？莫耶斯呢2個調動真係令人摸不著頭腦，修咸頓要打高波同增加活力，莫耶斯就整走有威脅球員比對手攻，整走頂高波既費蘭尼，換入傑斯減低球隊活力，換入韋碧克終結攻勢，當對手陣中高度已經冇變化時，莫耶斯就喺尾段走去換返高大既史摩寧，呢一下係冇問題既，因為費Sir都成日換走攻擊球入鍾斯或史摩寧，但要增加防守高度既話，點解當初又要換仲高大既費蘭尼？打左一大段野，我都係唔知莫耶斯呢場波換人既思路係點，請恕我無能力去理解，如果莫耶斯要讓人相信，就唔該唔好學費Sir 以前既無厘頭換人，因為你仲未有底蘊去揮霍球迷對你既信任。