從廢柴正名為費查 精選

年尾繁忙時間少，筆者只能閱讀文章，並未能長篇大論去寫文，前幾日睇到一篇文章係關於費查，筆者亦有同樣既感慨，今日有空閒時間就為佢寫一篇文。

年代久遠，初出道既費查喺場上根本係同條廢柴一樣咁碌碌無為，但一條廢柴本身亦有自己既作用：比人用黎生火照亮黑暗既空間，當呢條廢柴默默地為球隊同球員身前身後負責污穢不堪既防守工作，筆者認為佢真正開始自己既曼聯生涯，筆者亦開始以費查稱呼佢，但對車仔一頭屎忽撞棍既入球絕殺盛極一時既車仔，不禁為佢擔憂會唔會被捧到上天後跌返落黎一沉不起。而佢既性格解除左筆者既憂慮，比689更低調務實既佢，默默耕云訓練彌補自己缺點，傳球既功夫，控球技術不斷進步，都係從基本功落足功夫，並開始成為曼聯陣中愈黎愈重要既球員，可惜既係，喺佢最黃金既時期遇上大病，足足病左2年，去到上場後備上陣20分鍾，表現仍然比後起既青訓卡華利，踢波既合理性高出一大段距離，中路偏右同隊友既 one-two 傳球，證明曼聯中場缺少覆蓋面廣既中場球員。
佢既復出，唔只係球迷開心，最開心果個應該係莫耶斯，大病復出既費查喺球場既作用比卡華利之流更突出，佢就如一個冬季收購，只需要操起狀態唔洗要時間適應球隊，幫曼聯解決左中場部分問題，希望佢能夠以默默耕云既性格，回復大病前既表現，費查！

https://www.youtube.com/watch?v=k_KGT-h9LkM