為《2013年歐聯紅牌》首度開腔，蘭尼：「皇馬要靠球證幫助先阻止到我！」

本專欄已新設 Facebook 專頁，不定時上載英超新聞或文章，歡迎追蹤！
https://www.facebook.com/glory2utd/
==============================================
推薦文章：
《後費格遜年代的收購回顧》- 莫耶斯篇 雲高爾篇 摩連奴篇

— 此乃 紅魔革命＠Fanpiece 原創文章，轉載前請列明出處 —
事源喺2013年歐聯16強次回合，曼聯主場迎戰皇家馬德里嘅賽事入面，呢位葡萄牙翼鋒同皇馬右閘艾比路亞 (Álvaro Arbeloa) 爭搶期間發生踫撞，直接領紅被罰離場。當時曼聯正以總比數2:1領先緊皇馬，喺打少一人情況下被摩迪 (Luka Modrić) 同 C朗拿度 (Cristiano Ronaldo) 連入兩球，最終紅魔鬼以總比數2:3落敗，黯然出局。
https://www.youtube.com/watch?v=t7nnTv9FnY8
經過7年後，而家已經33歲嘅蘭尼 (Nani) 喺近日訪問中談及呢個被受爭議嘅判決：

引用「2013年係特別嘅一年，我地無論喺英超聯賽定係歐聯賽事入面都表現優秀。費格遜 (Alex Ferguson) 當時認為，如果我地能夠喺16強中淘汰皇馬就可以重奪歐聯冠軍。」

引用「我記得當時我喺場上表現十分出色，皇馬對我束手無策，但之後佢地搵到呢個令我離場嘅方法。球證冇理由直接將我罰離場，賽後無論費爵爺定係摩連奴 都向我表示遺憾，因為佢地都認為呢個唔係我嘅錯。」

然而時任皇馬領隊摩連奴 (José Mourinho) 賽後的確好坦率咁向傳媒表示佢認為「輸波嘅係最佳嘅球隊」同埋「蘭尼被苛刻罰下之後我隊波先可以獲得最佳機會」。

引用「我賽後同全隊隊友道歉，雖然我知道呢個唔係我嘅錯，我嗰陣只係望住個波，跳起嘗試用施丹式將個波控落黎。」

已經離隊多年嘅蘭尼亦講到全因為恩師費格遜決定退休，先令佢下定決心離隊外闖。

引用「當時費爵爺打算離隊退休，令我都覺得自己想離開呢隊我效力多年嘅球隊。依家曼聯有咗新嘅領隊，我覺得係時候轉去其它球隊挑戰自己。」

引用「然後我經歷咗一個嚴重嘅傷患，康復後我參與咗世界杯。然後喺接落嚟嘅球季我心入面已經預備好離隊，就係咁。」

蘭尼雖然知道佢嘅足球生涯係佢離開曼聯後，再冇可能重回相同嘅水平，但佢仍然非常享受重回兒時球隊士砵亭嘅時光。

引用「講真果句，我知道離開曼聯加盟其它球隊後，無論球隊上、結構上定係水平上，所有嘢都唔會再一樣，所有人都知道呢個事實。我唔係想冒犯任何人，但係所有人都清楚呢個就係點解『曼聯就係曼聯』嘅原因。」

引用「可以返黎士砵亭係件好好嘅事，因為我好似返咗屋企一樣，可以同家庭、朋友更加親近。呢個係我繼續尋找新挑戰之前一個喘息嘅機會，可以幫忙我由傷患中康復同搵返動力。」

引用

「老實講，呢一年無論對士砵亭同我黎講都係美好嘅一季，因為我表現得好好同埋我喺歐聯賽事入面都射入咗好幾球，果一年入面我好享受足球。」

本文以官方文章作藍本再加以翻譯而成，轉載前請注明雙方出處。

===============================
本專欄已新設 Facebook 專頁，不定時上載英超新聞或文章，歡迎追蹤！
https://www.facebook.com/glory2utd/