下一站意甲？傳拿坡里、羅馬對加拿祖感興趣

由全球轉會市場於 2 小時前發表收藏文章

意大利知名記者Alfredo Pedullà上周曾經報導，羅馬已經與車路士取得接觸，就加拿祖（Alejandro Garnacho）嘅轉會可能性搜集資訊。

今日較早時候Alfredo Pedullà就該報導進行更新，該名記者指出加拿祖仍然是羅馬引援名單上為數不多嘅翼鋒人選，紅狼確實對呢名22歲嘅阿根廷翼鋒很感興趣。車路士方面尚未決定如何處置加拿祖嘅未來，但羅馬一直保持密切關注。

Alfredo Pedullà進一步披露，今日拿坡里同樣向車路士發出查詢，佢地已經關注咗加拿祖一段時間，並有意將佢帶到馬勒當拿球場。不過轉會窗開啟後拿坡里嘅首要任務係先瘦身清洗陣容，再係引援方面進行研判。

車路士舊年花費4000萬鎊從曼聯簽入加拿祖，上季該名翼鋒係各項賽事出戰43場比賽，其中22場正選，合共貢獻8球4助攻。由於佢嘅表現實在相當一般，有傳藍軍方面希望係今年夏天將佢永久出售，以收回部分轉會費。