中超外援巴西人世界 改制後亞援陷困局 港腳要爭氣

2017中超球季快將開鑼
而一直熾熱的中超轉會市場亦於2月尾關閉
中超搶外援的舉動令歐洲大球會也震驚
而因應1月公佈的外援限制新例,也令各球會的收購一度審慎
雖最後迪亞高哥斯達及朗尼未有來中超,但轉會市場合計花了3.3億鎊

奧斯卡由車路士以5千1百萬鎊來投上海上港,成為今個中超轉會市場標王
而一眾巴西球員亦佔據中超外援名額達3成 (以每隊5個名額計, 中超共16隊球隊)
16隊中有10隊擁有巴西外援,亦不乏現役或邊緣巴西國腳
如江蘇蘇寧的拉美利斯,天津權健的柏圖等
就算沒有巴西外援,上海申花亦有阿根廷的世界最高薪球隊迪維斯
其餘的南美著名外援,包括上季已在陣河北華夏幸福的阿根廷國腳拿維斯
還有哥倫比亞國腳,在廣州恆大打不起的積臣馬天尼斯,以及上海申花的古亞連
所以,中超球隊至愛南美球員!
除了南美球員,今年亦多了歐洲球員影子
繼上季意大利國腳柏利由英超修咸頓來到山東魯能外
今季最觸目的是比利時國腳中場韋素放棄到祖雲達斯的機會,而轉投天津權健
另外,奧地利薩爾斯堡紅牛的西班牙射手蘇利安奴,亦選擇加盟中超首都球隊北京國安
值得一提的是,葡萄牙名後衛卡華奴自由身加盟了上海上港,與奧斯卡及領隊保亞斯組成了前車路士聯盟
而前愛華頓前鋒,克羅地亞的積拉域,上季已到中甲,今季會借至升班馬貴州智誠

非洲球員今季亦多了不少身影,最著名的要數加盟天津泰達的前車路士中場米基爾
其新加盟隊友亦有其尼日利亞隊友,打過英超西布朗的前鋒艾迪耶
本屆非洲國家盃最佳球員,喀麥隆的巴索高就前往河南建業
再加上已在的馬田斯、柏比斯施斯及麥比亞等,非洲球員在中超壯大
不過,前阿仙奴球員謝雲奴重傷,前半季未有注冊

亞洲球員可以謂中超豪買外援下的犧牲品
中超改制前的外援制度是可以有3個外援加1個亞洲外援出場
亞洲外援是特別吃香,尤其是打後衛的,因為中前場都是巴西等外援佔據席位
但1月改制後,包括亞援只可有3個外援出場,令到前列中超球隊買亞援卻步
現有的亞援的生存空間亦收窄,特別對佔亞援席位甚多的韓國後衛有影響
而今季加盟的亞援主要投效實力較次球隊,例如圖中澳洲後衛麥高雲,以前亦有中超經驗
於世界盃外圍賽打敗中國後,敍利亞隊長薩利赫亦得到賞識加盟河南建業

至於港腳,今季中超名單由1人增至4人
眾所周知,他們前年趕及簽約,不計外援名額
但長春亞泰的積施利以及天津權健的基藍馬都是邊緣人,要跟中國球員爭位
相反,升班馬貴州智誠的法圖斯今季獲任為隊長,正選機會高
希望其較高年齡能頂得住中超
而他的隊友歐陽耀沖則要加把勁!

有來必有往,吸收一定外援數量後,亦要放走部份外援
例如天津權健放走升班功臣巴西射手法比安奴
上海申花的丹巴巴亞亦被借走等
中超今個星期五就開波,法圖斯擔任隊長的貴州智誠,主場對遼寧宏遠

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 數據就是事實
    數據就是事實 於 02/03/2017 評論 NO. 1

    我記得以前有轉會市場相關既真實情況新聞...大約係對外公佈既9000萬,但對方球員最後實際只有2000萬,仲有大堆古怪條款(例如出場少於若干次可以再大減),一切都弄成一件事,就是容易令人洗黑錢或報大數....而目前中國因為經濟泡沫已爆,而相關後遺症正慢慢出現,加上中國政府刻意極度控制阻礙相關情況的新聞或造數據中再造數據...就弄出這些中國球會忽然大手搶球員既事務出來,但實際事實上,這不是新事情,在日本以往,在經濟泡沫爆破前後,日本一樣曾經出現大手搶球員既事務,而且也進行了一段時期,最後在經濟泡沫爆破,長期L形之後自然結束,現在中國情況更惡劣,似乎會更快玩完...強國什麼都快,包括玩完,唉!!可笑可笑!!

  • Eric Chow
    Eric Chow 於 03/03/2017 評論 NO. 2

    中超香港有直播嗎

  • Alan Cheung
    Alan Cheung 於 03/03/2017 評論 NO. 3

    有心踢波都唔好望去中超啦,係都J League

  • Paul Wong
    Paul Wong 於 03/03/2017 評論 NO. 4

    中超水準唔會差J league好多啦

  • Longlong Wong
    Longlong Wong 於 03/03/2017 評論 NO. 5

    唔見得日職好得去邊,.鹿島踢半季假波都可以拎總冠軍

  • Kel Mik
    Kel Mik 於 03/03/2017 評論 NO. 6

    亞洲頂級聯賽論上座率,球星,中超應該入到有頭三位。

  • 沖沖
    沖沖 於 03/03/2017 評論 NO. 7

    多南美外援係因為中超需要D技術好,可以單打獨鬥一個扭幾個然後自己射埋嘅外援;果D需要team work啊,隊友支援啊,隊友走位啊果D完全唔適合中超

  • 廖直飆
    廖直飆 於 03/03/2017 評論 NO. 8

    玩完再算啦。就算真系好快完,起碼人地都叫做玩過,經歷過。

  • 廖直飆
    廖直飆 於 03/03/2017 評論 NO. 9

    真系有心踢波嘅都唔會黎J league或者亞洲穩食啦,寧願系歐洲二流聯賽或者小球會,甚至翻南美,水平都高過嗮你亞洲,根本人種體格就已經勝你一籌

  • Jay Chan
    Jay Chan 於 03/03/2017 評論 NO. 10

    香港政府都唔睇好香港運動員,叫小朋友同家長 點放心去努力練波呀

  • Greeny Luigi Kao
    Greeny Luigi Kao 於 03/03/2017 評論 NO. 11

    法圖斯加油,希望可以帶領貴州智誠取得好成績!

  • Cheuk Kwan Yeung
    Cheuk Kwan Yeung 於 03/03/2017 評論 NO. 12

    講整體中超肯定差過日職啦。
    2個聯賽始終都係本地球員為主,中國同日本球員素質有差距(睇番各個年齡國家隊表現),只係靠幾個外援食糊。

  • Henry Lee
    Henry Lee 於 04/03/2017 評論 NO. 13

    法圖斯!

快捷鍵:←
快捷鍵:→