五位國家隊的未來(德國篇) 精選

要寫一篇五位國家隊的未來(德國篇)真是有點難道。因為德國現時的正選陣容入面大多都是年輕才俊，包括Ozil, Muller, Kroos, Badstuber，所以這一篇筆者會介紹不是常規正選的球員。

筆者的話：如果以陣容，實力和潛力去衡量一隊國家隊，德國一定是筆者的首選。筆者可以肯定過了西班牙皇朝之後，下一個皇朝一定係德國。今屆歐國盃，筆者大膽估計德國隊最後排名應該最少有頭三。

1. Mario Götze

市場價值: 2650萬英鎊呢位球員真係無人會唔識，雖然只得19歲，但已經為德國披甲12次。有佢，Ozil，Kroos同Muller，這樣的進攻組合，真係可以雄霸世界球壇十年。打4231真係無得頂。

今季共出場17次 6個入球 5次助攻
2. Marco Reus

市場價值: 1750萬英鎊
今季Mönchengladbach 的主力球員，可惜已經確認以1500萬英鎊加盟多蒙特。來季伙拍Gotze，其表現值得期待。在國家隊方面，我想路維要排左翼，右翼同進攻中場一定好頭痕。他可以司職左翼，右翼及前鋒。
今季共出場32次 18個入球 12次助攻

3. Mats Hummels
市場價值: 1750萬英鎊

多蒙特的後防主力，筆者看過他一場比賽，給人感覺十分有活力，和進攻意識在後衛來說比較強。他原本是拜仁的青訓產品，後來轉會多蒙特。在他的領導下，今季多蒙特只失25球。佢會唔會成為德國正選中堅呢？真係遲下就知。
今季共出場33次 1個入球 2次助攻

4. Sven Bender

市場價值: 1250萬英鎊
又係來自多蒙特，他還有一個兄弟叫Lars Bender，現時效力Leverkusen。老實說，在德國國家隊防中真的好難有出頭天。打單防中可以用Schweinsteiger + Kroos，雙防中可以用Schweinsteiger + Khedira。筆者只能對呢兩兄弟說，祝佢好運。
今季共出場24次 1個入球 4次助攻

5. Julian Draxler

市場價值: 620萬英鎊
佢17歲就以後備身份在德甲上場，但他只是第四年輕。他是沙軒之後第二位以最年輕的球員身份正選踢德甲，可惜又係一名進攻球員。
今季共出場30次 2個入球 6次助攻