FIFA Ultimate Team攻略篇：新風格、實用Skill move 精選

期待已久嘅FIFA19終於係今日正式推出啦，相信一眾FIFA忠粉都唔會錯過呢一集遊戲，更有唔少人已經購入左終極版或者買左偷跑啦～

不過今集玩落去比起Demo推出時又有分別啦，尤其係UT，比賽節奏唔同左，控球難左，射門難左，加上新嘅戰術風格，係球場上取勝變得更難啦。

坦白講，對於新戰術風格，筆者仲有摸索階段，進攻多樣化左，但要掌握得好仍然好須要玩家自己不斷去試去了解，始終每人有唔同風格，好難一概而論話邊個最好邊個最壞。
今集控球難度高左，而且好容易比人‘拍甩’，hold波太耐會變成一個弱點，轉身、過人相對而言更依賴利用skill move過人，好好利用球場闊度同埋短傳滲透較能夠取得成效，以短短幾日經驗睇得出，暫時黎講都係433最普遍，比起上集嘅41212形成反差。


最近已經有不少youtuber，網誌等提及過新嘅skill move，內容好廣好充實，但其實上到場真係可以發揮嘅skill move唔多，筆者揀左5個認為係最實用而且容易操作嘅skill move，提升比賽流暢度同埋可以提升傳射質素，希望讀者睇完可以最快上到手。

1. Open up fake shot 㩒 L1 + 射門 ，接住㩒 X + L3 拂 ↗️ 或 ↘️

優點：除左可以甩開對手之後，可以輕微改變方向，配合更好嘅位置出波或者射門，而且適用係前場任何地方，動作極流暢唔會影響進攻節奏。

2. Ball roll
R3 拂左 或 拂右

優點：非常容易操作，一個簡單嘅動作就可以為自己提供空間出球或射門，不過易學難精，如何利用得好絕對係一大武器。

3. Drag Back
㩒 L1 + L3 拂後
＊有兩段操作，完成第一下之後可以拉多一下，但第二下可以係不同方向。
例：L1 + L3拂 ⬅️ 接住 L1+ L3拂 ↗️
優點：除左第一下有機會呃到對方出腳之外，仲可以配合第二段改變方向，拉出開擋制造機會。

4. Heel flick
R3 拂⬆️再拂⬇️

優點：筆者覺得呢一招大約禁區頂K角位出係最利害，對方話意料唔到你係切入中路還是落頂，一瞬間使出，然後可以勁射破網，因為冇改變任何方向，得所以對方未必可以包翻失左嘅位，利用得好，可以造成極巨威脅。

5. la croqueta
㩒L1 + 㩒R3 ↗️ 或↘️

優點：非常黐身嘅一個動作，對手好難偷到波，再配合Heel flick可以將技能優勢提升，不過呢個動作難度較高，須要多練習去配合。

因為近排比較忙，加上技術關係，黎緊2,3日內會簡單拍翻條片講解一下點用，發怖係Facebook page，網上其實都係好多影片教學嘅，當然希望有人支持下小編啦。

如果中意我個page，歡迎follow及分享，亦可以讚埋我個FB專頁
https://m.facebook.com/futsurvivor/
多謝！