FIFA19 Ultimate Team攻略篇 : 昇華球隊心得-(1)

FUT Survivor 於 16/09/2018 發表 收藏文章
FUT係FIFA注目嘅遊戲模式,當然吸引左唔少玩家啦,而各玩家都有佢哋嘅風格,有人係為左滿足勝利嘅感覺,亦有人係為咗砌自己心目中嘅夢幻球隊。
不過昇華球隊去另一個層次就絕對係玩FUT嘅最終目的。

首先,提升球隊戰力主要有六個方法,抽咭、買咭、FUT Champion獎勵咭,組建球隊獎勵咭,任務,Squad Battles。

抽咭:

主要有普通版同高級版嘅銅咭包,銀咭包,金咭包。銀、銅咭包,筆者真係唔太敢下定論,不過一般而言,抽到嘅咭主要用係組建球隊上,啱用嘅咭就擁有升值潛力,但未必幾包就抽得中,好多時都係賤賣出去,所以回報率相當低。
金咭包,筆者認為高級包比較值得抽,普通咭保底1張rare咭,而高級咭包保底3張rare咭,雖然前者要100coins遊戲點後者則要150coins,但只有rare咭出現高價值球員,所以高級咭包抵玩得多。

Btw,若果玩家想抽卡試試運,筆者比較贊成用遊戲coins抽包,即貨金抽包,因為一包高級包須7500,抽三包要22500,但22500己經可以買不少強勢球員,而三包咭最後下場可能都係全部拎去賣,所以無貨玩家想令自己隊波更強,就要忍忍手儲錢放係轉會巿場買人啦。


買咭:

買咭即係透過轉會巿場購入心儀球員,除左組建球隊外,唯一可以100%擁有指定球員嘅方法。
筆者早前已經介紹過轉會巿場嘅特色同少少心得,各位可以㩒下面條Link瀏覽翻
https://football.fanpiece.com/m/futsurvivor/c1329856.html

FUT Champion獎勵咭:

FUT Champion係FUT最代表性嘅比賽,而且擁有比賽資格要有一定實力,所以唔係咁易得手,而獎勵咭嘅級數係根據比賽期間嘅表現,所以要透過FUT Champion入手強勁球員係非常困難。雖然獎勵咭不能選擇而且不能出售,不過獎勵係Team of the weak嘅咭,所以吸引力依然非常大。可惜,獎勵咭只係高手門嘅玩意,普遍玩家只係望塵莫及。

組建球隊獎勵咭:

一個比較奢侈嘅方法,用一D非賣咭去合乘係抵嘅,若果要利用轉會巿場買合適條件嘅咭去組隊,咁就真係唔太抵,因為合出黎嘅咭,未必係一張高價值嘅咭,而且,大部分合出黎嘅咭係非賣咭,如果係合出黎嘅咭包,亦可能係非賣咭,所以各位合乘之前,絕對要睇清楚係咩獎勵,包括係可賣或非賣。

然而,組建球隊嘅獎勵卡係非常豐富,其中包括英超每月最佳球員,不過一般黎講成本係非常高,而且係非賣卡,建議輕貨玩家利用呢D時候,係轉會巿場賺錢更抵玩。


仼務,Squad Battles:

仼務係每日更新嘅,主要分為每日、每週、限定仼務,每日仼務就比較容易完成,如果想完成每週仼務同埋限定任務,需要留低唔同類型嘅球員,雖然獎勵唔算太豐富,大部份仼務可以比賽嘅時候完成,所以都係個唔錯嘅收入。
Squad Battles方面,要一週內挑戰不同AI球隊,然不同難度及不同比賽比現會有不同積分,比起對戰真人玩家,對戰電腦就冇咁大壓力,而且可以根據自己實力選擇不同難度,係一個輕鬆得來又擁有豐富獎勵嘅方法。

提升球隊實力有好多方法,好好利用以上嘅方法慢慢研究慢慢打,就會揾到最岩自己嘅玩法!

之後,筆者會再講下砌正選11人嘅重點啦,BTW,FIFA19未正式推出,暫時都係以過往數據分析,FIFA19推出之後,會再深入研究,講下有咩球員值得買,值得投資等等。

如果中意我個page,歡迎follow及分享,亦可以讚埋我個FB專頁
https://m.facebook.com/futsurvivor/
多謝↖(^ω^)↗

留言


請按此登錄後留言。未成為會員? 立即註冊
    快捷鍵:←
    快捷鍵:→