FIFA19 Ultimate Team最新資訊: Team of the week3

FUT Survivor 於 04/10/2018 發表 收藏文章
遊戲正式推出嘅第7日,官方亦宣布左第三期Team of the week(TOTW)名單啦,其中尼馬嘅出現都唔算意外,始終佢係法甲近兩場都取得入球,係上場歐聯賽事更上演帽子戲法,表現出色。今集筆者想同大家分析下第三期TOTW名單嘅重點球員,值唔值得入手?一D有關黑卡要注意嘅地方等等。


睇睇今期嘅名單先啦,焦點球員一定係放係佢地三個身上,包括係萊斯 Marco Reus, 尼馬Neymar Jr 同埋菲列比安達臣 Felipe Anderson。

咁講下Reus先啦,今期嘅Reus真係非常吸引,老手玩家都好清楚,黑卡(TOTW)其中一個特色係,會根據球員果個星期嘅表現同踢嘅位置而衍生出一張獨特嘅黑卡,所以今期Reus嘅黑卡亦由85價值嘅左翼轉成86價值嘅攻中,Reus係遊戲入面速度唔算頂級,但配上,優質嘅,傳,盤,射,筆者相信呢張黑卡會令不少玩德甲嘅玩家愛不釋手。

Neymar係世界盃嘅表現的確強差人意,可能係因為對手重點防守啦,佢最擅長嘅盤帶突破完全無影無蹤,不過翻到聖日耳門,佢又開始發力,場場交到功課,亦成為TOTW3嘅主角。不過本身已係擁有92價值嘅佢,黑咭都只能有少幅提升,但巿價就比金咭貴得多,值唔值就見仁見智。

Felipe Anderson呢個名稱相信大家唔會陌生,畢竟佢係對曼聯嘅賽事取得入球,協助球隊大勝對手3:1。而值得留意嘅係佢嘅一張One to match(OTW)咭嘅能力亦會同步上升,若果大家想入手嘅時候,就要考慮呢位球員日後嘅表現啦,當出現第二次TOTW嘅時候,OTW咭嘅能力會同步上升(注意:位置係唔會轉變嘅)。 點解係出左第一次TOTW嘅時候可以考慮買One to match嘅咭呢?

1.若果係早期時候已經出黑卡,表現良好嘅球員會更大機會出現第二次黑咭。
2. 出完第一次黑卡嘅時候,OTW嘅巿場會只係高黑卡少少,相對而言係入手嘅好時機。

如果大家有留意嘅話,都不難發現每一期只係會出1~2張頂級嘅黑卡球員,相信係EA為左遊戲而咁做,筆者覺得EA咁做已經叫非常人道,唔會引導玩家一味追逐頂級黑卡,而ICON球員都有3個版本,比更多無貨或輕貨嘅玩家帶來更多選擇。

最後筆者都會列出購入黑卡嘅一些細節比大家參考下。(為左唔好漏,都係用點列方式)

1. 每一期嘅黑卡只會係推出新一期黑卡之前,可以經由抽咭即組合包入手,推出新一期黑卡時候,就只能夠係巿場購入,所以價格會隨住時間而改變。

2. 若果唔係急住用,絕對唔好急住買,因為推出新一期黑卡頭1,2日係非常貴嘅,因為未定價,個巿價會比較浮動,尤其係一D中上級數嘅球員,玩家係自用又唔急的話,不妨等多兩日先入手,普遍會比較便宜,相對而言,炒家就可以趁個價錢未穩定而出手賺錢(筆者對於炒賣未有咩特別心得,所以唔想誤導各位)

3. 一張優質嘅黑卡會隨著時間而不斷升價,若果該位球員只出過一次黑卡,咁就有可能會由十多萬入手價不斷上升至百萬,甚至係更高嘅價格。(有玩FIFA18嘅玩家必定會清楚了解係咩一回事,因為fifa18第一期TOTW嘅華西就係個好例子)

4. 購入黑卡前最好認真衡量須唔須要為呢一張咭而付上額外價錢,隊中有冇其他位置嘅球員可以改良?始終黑卡球員比普通咭球員能力上只有有限度嘅提升,而且落到場分別不算太大,所以要唸清楚先。

今集介紹係咁多,希望大家對黑卡(TOTW)有更深嘅概念。與此同時,亦想sad個sorry,版主拍片技術有限,最終都唔能夠如期係FB發怖有關Skill move嘅影片,深感抱歉。版主決定係今晚- FUT Champion開始前一晚直播,同大家講下暫時對自訂戰術,球員怖陣嘅心得,直播時間稍後公布,有興趣可以留意下本版FB,謝謝。

傳送門<span class="emoji-outer emoji-sizer"><span class="emoji-inner" style="background: url(chrome-extension://immhpnclomdloikkpcefncmfgjbkojmh/emoji-data/sheet_apple_32.png);background-position:28.025851938895418% 59.9882491186839%;background-size:5418.75% 5418.75%" data-codepoints="1f449-1f3fb"></span></span>https://m.facebook.com/futsurvivor/
中意本版的話,歡迎follow及分享,亦可以讚埋我個FB專頁,謝謝。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Jake5
    Jake5 於 05/10/2018 評論 NO. 1

    本周最弱!

快捷鍵:←
快捷鍵:→