由新星變冗青再變新星－沙治羅拔圖
你估佢宜家幾多歲？只係23歲！第一次為一隊上陣係幾時？係2010年10月嘅事，足足5年前！
一出道我地都覺得佢係新星，盤傳都好，有d人仲叫佢新小白！但因為當時有沙維小白法比堤亞高，佢一直都冇乜機會。直至13年堤亞高走左，佢機會多左，但反而見佢冇想像中咁好，係果季上陣左27次但唔多覺有進步，漸漸佢被列入部分巴迷口中嘅"青訓三寶"，即係現時最有潛質嘅三位青訓，巴查、拉芬拿同佢只要一齊上陣嘅話，就會出現1+1+1＝-3！
到今個暑假，巴塞竟然可以4個右閘傷晒停晒，安歷基無奈地要搵個人做替工，點知佢係第一場聯賽作客畢爾包，後備入替丹尼爾後，勤力防守，助攻力唔算好強，但至少傳送到位，只係踢左70分鐘，做出4場盤扭、4次攔截、4次搶斷、3次解圍、1次key pass，成為左果場嘅Man Of The Match！
之後對馬拉加、馬體會同羅馬3場都係右閘正選，3場波只失2球，再到琴晚主場對拉斯彭馬斯，第一球就係來自佢嘅傳中，而且全場佢有5次成功過人，僅比尼馬嘅7次少，防守方面亦有4次攔截同2次搶斷，今季第二次成為Man Of The Match！
今季望左佢踢5場右閘，表現絕對令我地O晒嘴，因為比想像中好得太多，連琴晚魯營嘅球迷見到佢一次中場突破成功跑足50米後，都忍唔住不停拍手！
https://www.youtube.com/watch?v=CJzdURxrB6M
雖然要係巴塞踢正選，佢需要繼續進步，但佢由新星變邊緣人物再變番宜家咁有希望，加上佢係青訓，真係好希望佢有朝一日可以係右閘必然正選！
佢嘅好朋友，拉芬拿，係今年有機會踢國家隊，得到安歷基嘅重視，正值上位，但不幸重傷......有"華文員"之稱嘅華美倫開季幾場踢得好，又受傷了......希望巴塞唔好再受傷患困擾，希望沙治羅拔圖，你會變得更強！
Facebook：https://www.facebook.com/巴塞隆拿-Força-Barça-167701173378593/
你估佢宜家幾多歲？只係23歲！第一次為一隊上陣係幾時？係2010年10月嘅事，足足5年前！
一出道我地都覺得佢係新星，盤傳都好，有d人仲叫佢新小白！但因為當時有沙維小白法比堤亞高，佢一直都冇乜機會。直至13年堤亞高走左，佢機會多左，但反而見佢冇想像中咁好，係果季上陣左27次但唔多覺有進步，漸漸佢被列入部分巴迷口中嘅"青訓三寶"，即係現時最有潛質嘅三位青訓，巴查、拉芬拿同佢只要一齊上陣嘅話，就會出現1+1+1＝-3！
到今個暑假，巴塞竟然可以4個右閘傷晒停晒，安歷基無奈地要搵個人做替工，點知佢係第一場聯賽作客畢爾包，後備入替丹尼爾後，勤力防守，助攻力唔算好強，但至少傳送到位，只係踢左70分鐘，做出4場盤扭、4次攔截、4次搶斷、3次解圍、1次key pass，成為左果場嘅Man Of The Match！
之後對馬拉加、馬體會同羅馬3場都係右閘正選，3場波只失2球，再到琴晚主場對拉斯彭馬斯，第一球就係來自佢嘅傳中，而且全場佢有5次成功過人，僅比尼馬嘅7次少，防守方面亦有4次攔截同2次搶斷，今季第二次成為Man Of The Match！
今季望左佢踢5場右閘，表現絕對令我地O晒嘴，因為比想像中好得太多，連琴晚魯營嘅球迷見到佢一次中場突破成功跑足50米後，都忍唔住不停拍手！
https://www.youtube.com/watch?v=CJzdURxrB6M
雖然要係巴塞踢正選，佢需要繼續進步，但佢由新星變邊緣人物再變番宜家咁有希望，加上佢係青訓，真係好希望佢有朝一日可以係右閘必然正選！
佢嘅好朋友，拉芬拿，係今年有機會踢國家隊，得到安歷基嘅重視，正值上位，但不幸重傷......有"華文員"之稱嘅華美倫開季幾場踢得好，又受傷了......希望巴塞唔好再受傷患困擾，希望沙治羅拔圖，你會變得更強！
Facebook：https://www.facebook.com/巴塞隆拿-Força-Barça-167701173378593/
請按此登錄後留言。未成為會員? 立即註冊