講講巴塞被大炒一仗的三位後防~~

講講巴塞被大炒一仗的三位後防~~

如果今場要揀幾個人講下,真係個個都可以好多野講!但想最先講嘅係丹尼爾!

上季開始明顯見到佢跌緊watt,但到下半季狀態又好番,之後三冠王後傳佢會去曼聯,到暑假佢突然續約,再到西超作客畢爾包連犯3次錯,之後聯賽開咧受傷,隔左一個月復出,復出第二場第一同第三球佢有一定責任......

丹尼爾係有實力,但狀態過分飄忽,而且成日壓得太前,特別係落後緊或者對住d反擊能力強嘅球隊好容易會被人完全打爆!黎緊兩場主場對拉斯彭馬斯同利華古遜,我希望繼續俾佢正選,但如果佢又被人打爆又犯錯,或者大膽d即刻改用羅拔圖打右閘,寧願放棄少少邊路進攻,都想睇下咁樣專注番係防守會唔會好d!


除左丹尼爾,今場其中一個罪人係...我諗係你啦...碧基!

你同丹尼爾復出無耐,比賽踢得唔多,狀態唔好,今場第二球受壓之後亂踢俾左人單刀,第四球清唔到人地個傳中......

3分就唔見左啦,係大敗定小輸都唔重要,要犯嘅錯都希望係今場出現晒,況且今場人地咁fit,我地就算唔犯錯都未必贏到,只係期望你地兩個快d重拾狀態!要記住上季贏到除左係msn太fit之外,60場比賽先失得38球嘅防守都有好大功勞!

雖然我對碧基有信心,但都有少少掛住華美倫!


達史迪根...唉...你真係好慘!今場你冇咩犯錯,但都失4球...賽後有人講,佢又被人笠左兩次,6場波失左15球,仲有3場係失夠4球,今季踢親都有失波...全部都係好肉酸好難聽嘅事實......

要巴禾定達史迪根?宜家揀嘅可能係巴禾,但幾年後只可以揀達史迪根!畢竟巴禾已經32歲,而達史迪根只得23歲!

要做巴塞龍係非常難,一來係豪門,太多人留意住你,好大壓力;二來你要有心理準備,就好似琴日咁被一班神經刀害到瘋狂單刀;三來你踢得勁隊除左d基本野要做足,你係需要做到神救!

"達史迪根,你有潛質,但需要再磨練一下!"呢句野講左無數次!無論技術上經驗上,點樣判斷出唔出迎,人地射近定遠柱,都仲有好多進步空間!希望你可以繼續有信心咁踢,從錯誤中學習!


Facebook:https://www.facebook.com/巴塞隆拿-Força-Barça-167701173378593/

標籤: 巴塞  丹尼爾  碧基  達史迪根  

留言


請按此登錄後留言。未成為會員? 立即註冊
快捷鍵:←
快捷鍵:→