20130822【賽後討論】馬德里體育會 1-1 巴塞隆拿換走美斯是關鍵精選

由巴塞隆拿-Forca Barca 於 24/08/2013 發表收藏文章

20130822【賽後討論】馬德里體育會 1-1 巴塞隆拿

入球球員：
馬德里體育會: 韋拿11’
巴塞隆拿: 尼馬66’

Man Of The Match: 馬斯查蘭奴

係今場波，冇一個表現太突出嘅球員。而睇番兩個入球球員，韋拿踢足全場，攻入一球世界波，其餘時間都冇乜機會射門，主要係到迫緊巴塞後防同等待反擊機會。尼馬後備入替好快就建功，其餘時間只係左路猜下波跑下步。至於我點解覺得馬斯查蘭奴係Man Of The Match呢？面對馬體會多次反擊機會，但最終只造成3次中龍射門，就是因為巴塞一對中堅係對手進行反擊時或起腳射門前已將大部分機會掃走。賽後統計顯示出巴塞一共做出72次搶斷，當中馬斯查蘭奴共做出14次，佔全隊五分之一。若然馬斯查蘭奴唔係只得175cm，佢已經極有可能成為當今世上最強中堅之一！
http://www.youtube.com/watch?v=T7iTJYT9u2A&feature=youtube_gdata_player
比賽總結：

1. 換走美斯是關鍵

半場換入法比黎增強巴塞中前場創造力同遠射能力，好多人都覺得好正路！但換走嘅竟然係…美斯！當然同佢左腳傷患問題有關，但同時可以算係一種戰術！沒有美斯嘅巴塞，無論係破鐵筒陣定處理反擊，都似乎威力大減！呢個心態唔單止係球迷心中出現，亦都出現左係馬體會球員身上。下半場一開始，就發現馬體會條防線推前左少少，施蒙尼咁做，一方面希望趁機壓前d偷多球，另一方面法比頭槌比美斯強，後防線縮得太後有機會比巴塞用兩翼傳中入波。之後換入左尼馬，而佢最強之處就係速度同射門，佢攻入果球正好就係丹尼爾突破對方防線，再傳中俾尼馬後上頂入！所以，就算美斯冇傷但踢足全場，鋒線頭槌能力弱就會令對手龜縮死守，即使尼馬入黎，都會冇空間俾佢發揮！

按此觀看圖片

2. 雙方防線都出色

馬體會今場踢法比較兇狠同硬朗，而且頗多小動作，令巴塞基本上唔多機會。巴塞今場就主要靠一對中堅減弱對方的反擊威力！睇番統計數字，兩隊嘅射門次數都唔超過10次，兩隊合共嘅角球更只有3次，可見今場比賽兩隊都在中場決戰，甚少入到禁區攻防。不過，睇完呢場比賽，都唔覺馬體會同施蒙尼茅，但睇埋下面段片，就發覺...馬德里嘅球隊，唔知點解有d中國特色！

http://www.youtube.com/watch?v=GBQeLMoJ5_0

按此觀看圖片

3. 韋拿倒戈即入波

韋拿倒戈即入波，意外嗎？又唔係ge！傷心嗎？少少啦！上次篇賽前預測已經見到韋拿嘅球隊對陣巴塞總共入左17球，當中就有7球係韋拿入！好多人話巴塞害左韋拿，甚至話巴塞一日有美斯，都會係前鋒黑洞。先講韋拿，真正害左佢唔係巴塞，亦都唔係美斯，而係係世冠杯踢斷韋拿腳嘅後衛！未傷前，MVP基本上係巴塞嘅必然鋒線，但係隨住韋拿受傷令美斯改踢中鋒，美斯打前左，令兩翼少左供應而入球減少，於是巴塞買入尼馬、升泰路上一隊。等韋拿康復後，狀態已大不如前，雖然仍然係一位非常頂級嘅前鋒。假如韋拿經常正選上陣，即使唔買尼馬，左翼位置就會有3個球員爭正選，會令其他球員不滿！如果俾韋拿打翼，就更加發揮唔到佢嘅射門能力！所以，巴塞為左令韋拿多d上陣機會同入選番西班牙大軍，只能賣走佢！
有人或者都會話為佢好只係一個賣走佢嘅藉口，但係韋拿轉投馬體會之前，已有多間英格蘭球會報價逾1000萬歐元，但巴塞都唔肯賣，反而只用2-5m賣俾自己嘅對手，點解呢？因為巴塞知道韋拿希望繼續係西班牙生活同埋或會唔適應英超體力化嘅風格。最後，韋拿雖然未可以算係巴塞嘅傳奇，但相信無謂你係咪巴迷，都唔會唔記得韋拿係歐聯決賽射死雲達沙，係今年歐聯16強幫助巴塞上演史詩式反擊……

7號仔，7個精彩的夜晚！睇下韋拿係巴塞嘅光芒！
http://www.fanpiece.com/forcabarca/c1090199.html

按此觀看圖片