《足球...與...政治》 從中港大戰說到巴塞！
同樣係香港人，同樣係巴塞球迷，但係對琴晚嘅中港大戰有完全不同嘅睇法！有人覺得，足球唔好拉埋政治黎講，只欣賞足球就好，一隊攻得好，一隊守得好，作為中國人＋香港人，兩隊都支持，兩隊都踢得好！有人覺得，歷史話俾我地知，足球同政治係唔能夠分開，香港對中國點都係支持香港，唔會支持中國，仲要中國有球員冇體育精神，而且宜家香港同中國大陸嘅政治關係緊張，更加應該支持自己人，只支持香港！
見到自己版出左d中港大戰嘅post後，引起部分球迷嘅討論，所以，自己忍唔住想講下巴塞嘅足球同加泰嘅政治。
－－－－－－－－－－－－－－－－－－－－－－－－－－－－－－－－－－－－－－－－
《足球...與...政治》
足球...本來只係一班人踢黎踢去嘅一個波！但自從大家都覺得呢樣係一種可以進行競賽嘅活動，就由玩下玩下變左分強弱分勝負嘅工具！
"物競天擇、汰弱留強"...大自然嘅定律。人類有唔同文化，住係唔同地區，好自然想為自己民族爭光，好自然想打贏其他民族。就係咁...足球就變左可以代表一個民族戰鬥能力嘅運動！
足球從來只係透過欣賞球技、戰術都可以好足夠，但就係因為剛剛提及嘅因素，而令宜家出現唔少宿敵、打吡！或者大家睇波果陣，巴塞對住拜仁、馬體會、曼聯，係會緊張，但對住皇馬點解總會更緊張更想贏佢？
對大家黎講，最簡單嘅可能贏左佢地就好大機會贏到西甲，跟住就諗自己愛隊贏左令到身邊囂張嘅馬迷冇聲出，或者再諗一個首都有咁多資源都輸好樣衰...
但對當地球迷黎講，巴塞同皇馬係宿敵，唔係因為兩隊係西班牙都係最top，而係兩隊身處嘅地區有唔同嘅政治傾向，係當時佛朗哥嘅政權下，首都馬德里因此視加泰隆尼亞為眼中釘，作出不停嘅欺壓，其中之一係由巴塞隆拿手中強搶皇馬歐聯頭5冠功臣迪史提芬奴，1943年國王盃巴塞首回合領先皇馬3:0，之後去到次回合輸1:11，點解會差咁遠？我諗大家都估到有野比黑哨更黑！
"Més que un club"，英文即係“More than a club”，巴塞除左係一間球會，仲係加泰隆尼亞地區一個重要嘅標誌，支持加泰隆尼亞獨有嘅文化同語言。或者睇下巴塞嘅會徽，上面嘅十字架同紅黃間就係巴塞隆拿市嘅旗幟。再聽下一些巴塞球員嘅演說，係講到 “Visca el Barça”之後，總會講埋 “Visca Catalunya”。因為巴塞呢間球會，同加泰隆尼亞呢個地區永遠唔會分離！
或者對我地呢班海外嘅巴塞球迷黎講，要對當地有住一樣咁濃厚嘅歸屬感係好難！所以要做一個最基本巴塞球迷，只要鐘意過巴塞一秒都已經係！想做資深少少嘅，買下波衫，知道多d巴塞球員，睇下比賽嘅都得！再資深d，去魯營見識下，唔做勝利球迷，唔輸打贏要！但要做最資深嘅，好似同當地球迷一樣咁，睇怕你至少要係官網、維基知道晒成個巴塞同加泰嘅歷史，再去下巴塞感受下當地文化，知道你就算唔識加泰文，當地人都寧願你講英文多過西班牙文，嘗試幻想下自己係加泰人，個身體流住紅藍色嘅血！
足球，從來可以唔同政治有任何關係。但歷史話俾我地知，政治需要足球黎講政治。
Facebook：https://www.facebook.com/pages/巴塞隆拿-Força-Barça/167701173378593
想知獨裁者佛朗哥與皇馬巴塞的恩怨情仇？http://football.fanpiece.com/herostory/獨裁者佛朗哥與皇馬巴塞的恩怨情仇-c1129584.html
同樣係香港人，同樣係巴塞球迷，但係對琴晚嘅中港大戰有完全不同嘅睇法！有人覺得，足球唔好拉埋政治黎講，只欣賞足球就好，一隊攻得好，一隊守得好，作為中國人＋香港人，兩隊都支持，兩隊都踢得好！有人覺得，歷史話俾我地知，足球同政治係唔能夠分開，香港對中國點都係支持香港，唔會支持中國，仲要中國有球員冇體育精神，而且宜家香港同中國大陸嘅政治關係緊張，更加應該支持自己人，只支持香港！
見到自己版出左d中港大戰嘅post後，引起部分球迷嘅討論，所以，自己忍唔住想講下巴塞嘅足球同加泰嘅政治。
－－－－－－－－－－－－－－－－－－－－－－－－－－－－－－－－－－－－－－－－
《足球...與...政治》
足球...本來只係一班人踢黎踢去嘅一個波！但自從大家都覺得呢樣係一種可以進行競賽嘅活動，就由玩下玩下變左分強弱分勝負嘅工具！
"物競天擇、汰弱留強"...大自然嘅定律。人類有唔同文化，住係唔同地區，好自然想為自己民族爭光，好自然想打贏其他民族。就係咁...足球就變左可以代表一個民族戰鬥能力嘅運動！
足球從來只係透過欣賞球技、戰術都可以好足夠，但就係因為剛剛提及嘅因素，而令宜家出現唔少宿敵、打吡！或者大家睇波果陣，巴塞對住拜仁、馬體會、曼聯，係會緊張，但對住皇馬點解總會更緊張更想贏佢？
對大家黎講，最簡單嘅可能贏左佢地就好大機會贏到西甲，跟住就諗自己愛隊贏左令到身邊囂張嘅馬迷冇聲出，或者再諗一個首都有咁多資源都輸好樣衰...
但對當地球迷黎講，巴塞同皇馬係宿敵，唔係因為兩隊係西班牙都係最top，而係兩隊身處嘅地區有唔同嘅政治傾向，係當時佛朗哥嘅政權下，首都馬德里因此視加泰隆尼亞為眼中釘，作出不停嘅欺壓，其中之一係由巴塞隆拿手中強搶皇馬歐聯頭5冠功臣迪史提芬奴，1943年國王盃巴塞首回合領先皇馬3:0，之後去到次回合輸1:11，點解會差咁遠？我諗大家都估到有野比黑哨更黑！
"Més que un club"，英文即係“More than a club”，巴塞除左係一間球會，仲係加泰隆尼亞地區一個重要嘅標誌，支持加泰隆尼亞獨有嘅文化同語言。或者睇下巴塞嘅會徽，上面嘅十字架同紅黃間就係巴塞隆拿市嘅旗幟。再聽下一些巴塞球員嘅演說，係講到 “Visca el Barça”之後，總會講埋 “Visca Catalunya”。因為巴塞呢間球會，同加泰隆尼亞呢個地區永遠唔會分離！
或者對我地呢班海外嘅巴塞球迷黎講，要對當地有住一樣咁濃厚嘅歸屬感係好難！所以要做一個最基本巴塞球迷，只要鐘意過巴塞一秒都已經係！想做資深少少嘅，買下波衫，知道多d巴塞球員，睇下比賽嘅都得！再資深d，去魯營見識下，唔做勝利球迷，唔輸打贏要！但要做最資深嘅，好似同當地球迷一樣咁，睇怕你至少要係官網、維基知道晒成個巴塞同加泰嘅歷史，再去下巴塞感受下當地文化，知道你就算唔識加泰文，當地人都寧願你講英文多過西班牙文，嘗試幻想下自己係加泰人，個身體流住紅藍色嘅血！
足球，從來可以唔同政治有任何關係。但歷史話俾我地知，政治需要足球黎講政治。
Facebook：https://www.facebook.com/pages/巴塞隆拿-Força-Barça/167701173378593
想知獨裁者佛朗哥與皇馬巴塞的恩怨情仇？http://football.fanpiece.com/herostory/獨裁者佛朗哥與皇馬巴塞的恩怨情仇-c1129584.html
請按此登錄後留言。未成為會員? 立即註冊