試問世上邊一個球會領隊唔想場場都可以派出球隊最強十一人去迎戰對手？但係現實上球員會因為種種理由而缺陣，例如疲倦、停賽、傷患和參加國際賽等。若然缺陣既係一啲球迷既核心或重要球員，球隊就可能要為佢地既缺陣付上代價，有時呢啲代價都幾有破壞性，會令球隊該段時間既戰績大倒退。而家我地黎下八位今季缺陣下會使球隊成績下滑既球員(主要會講及英超)：
1.巴克利
上季有亮眼表現既巴克利今季於開季前就因為傷患而被逼休息幾個月，愛華頓亦因此由開季後一直缺少左巴克利喺中場既創造力，而導致開季成績比上季倒退唔少，令球迷大感失望。儘管巴克利於十月中傷癒復出，佢仲未可以回復到上季既狀態高峰，不過睇得出佢過去幾個月已經持續地有進步。若然佢可以搵得番自己最佳狀態既話，前鋒線上既盧卡古將會獲得源源不絕既傳送，而愛華頓亦有望於積分榜上爬得更高。
2.羅利斯
羅利斯今季冇因為傷患而缺陣，亦為熱刺踢足哂所有英超賽事，咁點解佢都會榜上有名呢？原因係：羅利斯係熱刺不可或缺既球員，佢場均2.64個撲救領先高圖斯、迪基亞、祖赫特等等既對手，若然唔係羅利斯「一個救全家」，擔任熱刺後防既定海神針既話，熱刺而家一定排唔到英超第六。
熱刺有時會於盃賽中俾羅利斯休息而派後備門將禾姆上陣，咁就出事喇。於熱刺對李斯特城既足總盃比賽中，正正係禾姆既失誤護送李斯特城晉級。禾姆一般既表現反襯出羅利斯既重要性，相信熱刺於聯賽盃決賽會派出羅利斯而唔係禾姆。
3.哥斯尼
阿仙奴上半季不穩既表現可以歸因於佢地後防線既傷病問題，各個後防球員輪流缺陣，甚至令到閘位球員要頂替中堅位置。哥斯尼係阿仙奴後防線既重要成員，而呢位法國中堅亦因傷而缺陣過幾場比賽。
佢上年十月迎黎今季第一次傷患，並一直缺陣直到十一月尾。喺呢段時間，阿仙奴輸左兩場聯賽，並且於十五分中失左八分，並且於對安德列治既歐聯中失左三球。佢之後有過一段短時間復出後又告傷出，缺陣三星期，阿仙奴於佢缺陣既四場比賽中又失左五分。
呢位廿九歲中堅於十二月再次披甲上陣，帶領阿仙奴於八場聯賽中贏足六場，當中三場保持到清白之身，而哥斯尼亦貢獻左兩個入球。
4.白蘭特
白蘭特既入選可能會嚇親讀者們，但係佢的而且確係曼聯今季其中一個最重要既球員。自從佢轉戰英超之後，佢一直得到雲高爾既信任，有唔少既上陣機會。曼聯季初既中場同後防線有缺人既跡象，白蘭特既多用性令佢可以勝任中場同後衛，舒緩一下曼聯缺人既壓力。白蘭特亦於曼聯對西布朗同韋斯咸既比賽末段各入一球，避免曼聯全失三分。
白蘭特於十一月中因傷掛起過兩個月既免戰牌，而喺呢段時間曼聯亦於一啲對中游球隊既比賽中失分，而朗尼亦要轉任中場。
5.曉姆斯
多蒙特因為傷兵問題而導致佢地要喺德甲下游打滾已經唔係咩大秘密，而其中一個因傷缺陣既核心球員就係德國中堅曉姆斯。多蒙特今季攻不銳，守不穩，吃下接連既敗仗絕對係意料中事。曉姆斯今季只係正選上陣過十二場德甲、一場歐聯同一場德國盃，喺曉姆斯上陣既呢十二場入面，多蒙特失左十四球；而曉姆斯缺陣時，多蒙特只用九場就失左十四球，可見曉姆斯對多蒙特後防既重要性。佢其中一次重要既貢獻係於對賀芬咸既聯賽中用頭鎚護空門，為多蒙特賺得寶貴既三分。
6.馬迪
馬迪既表現向球壇說說明左一個好既防守中場對現代足球既重要性，尤其是現代足球講究兩閘不將前插進攻。呢位塞爾維亞中場一直係車路士主帥摩連奴既愛將，並且係正選既不二之選。今季車路士唔同位置上都有唔同既球員嘗試擔任，並且都有唔錯既效果，唯獨陣中冇人可以取代到馬迪既作用。
車路士開季後一直於聯賽保持不敗，直至十二月作客紐卡素，該場馬迪正正因為停賽而缺陣。之後摩連奴於對巴拉福特既足總盃比賽中再次收起馬迪，結果車路士爆冷出局。今季米基爾同拉美利斯都嘗試過擔任防守中場，但效果都未及馬迪理想。
7.史度列治
利物浦於上年暑假將球隊射手蘇亞雷斯售至巴塞隆拿，鋒線殺傷力下降唔少，而雪上加霜既係：史度列治於季初即告受傷。冇左呢位英格蘭前鋒，利物浦嘗試使用域奇林拔、波連尼同巴洛迪利取代之，可惜佢地都發揮不濟，導致利物浦失去左上年出色既入球能力。
紅軍陣中不乏機會創造者，例如古天奴、拉蘭拿同史達寧，但係佢地欠缺一個可以將機會轉化成入球既球員。史度列治由14年9月至15年1月缺陣期間，利物浦於聯賽不斷失分、於聯賽盃及歐聯出局，而喺史度列治復出既第一場比賽中，佢就用入波向大家證明佢既實力。
8.耶耶托尼
呢位科特迪瓦中場於上季展示左佢全能既實力，除左實力既提升之外，耶耶托尼亦為曼城帶黎球隊精神上既支持。今季耶耶托尼未搵到佢上季既狀態，而曼城亦表現慢熱，但當佢表現回勇時，曼城成績亦隨之而穩步上揚。
耶耶托尼既重要性，我地可以由曼城於佢去左踢非洲國家盃而缺陣時既表現度睇得出，曼城於五場聯賽中只得一勝，被車路士拋離七分，加上於足總盃爆冷地被米杜士堡淘汰出局。
耶耶托尼會於曼城歐聯十六強對巴塞隆拿既首回合賽事中停賽，曼城要於耶耶托尼下擊敗巴塞真係毫不容易。
請支持「隨心寫足球」為大家繼續送上好文:https://www.facebook.com/footballvoicehk
原文,經編輯
1.巴克利
上季有亮眼表現既巴克利今季於開季前就因為傷患而被逼休息幾個月，愛華頓亦因此由開季後一直缺少左巴克利喺中場既創造力，而導致開季成績比上季倒退唔少，令球迷大感失望。儘管巴克利於十月中傷癒復出，佢仲未可以回復到上季既狀態高峰，不過睇得出佢過去幾個月已經持續地有進步。若然佢可以搵得番自己最佳狀態既話，前鋒線上既盧卡古將會獲得源源不絕既傳送，而愛華頓亦有望於積分榜上爬得更高。
2.羅利斯
羅利斯今季冇因為傷患而缺陣，亦為熱刺踢足哂所有英超賽事，咁點解佢都會榜上有名呢？原因係：羅利斯係熱刺不可或缺既球員，佢場均2.64個撲救領先高圖斯、迪基亞、祖赫特等等既對手，若然唔係羅利斯「一個救全家」，擔任熱刺後防既定海神針既話，熱刺而家一定排唔到英超第六。
熱刺有時會於盃賽中俾羅利斯休息而派後備門將禾姆上陣，咁就出事喇。於熱刺對李斯特城既足總盃比賽中，正正係禾姆既失誤護送李斯特城晉級。禾姆一般既表現反襯出羅利斯既重要性，相信熱刺於聯賽盃決賽會派出羅利斯而唔係禾姆。
3.哥斯尼
阿仙奴上半季不穩既表現可以歸因於佢地後防線既傷病問題，各個後防球員輪流缺陣，甚至令到閘位球員要頂替中堅位置。哥斯尼係阿仙奴後防線既重要成員，而呢位法國中堅亦因傷而缺陣過幾場比賽。
佢上年十月迎黎今季第一次傷患，並一直缺陣直到十一月尾。喺呢段時間，阿仙奴輸左兩場聯賽，並且於十五分中失左八分，並且於對安德列治既歐聯中失左三球。佢之後有過一段短時間復出後又告傷出，缺陣三星期，阿仙奴於佢缺陣既四場比賽中又失左五分。
呢位廿九歲中堅於十二月再次披甲上陣，帶領阿仙奴於八場聯賽中贏足六場，當中三場保持到清白之身，而哥斯尼亦貢獻左兩個入球。
4.白蘭特
白蘭特既入選可能會嚇親讀者們，但係佢的而且確係曼聯今季其中一個最重要既球員。自從佢轉戰英超之後，佢一直得到雲高爾既信任，有唔少既上陣機會。曼聯季初既中場同後防線有缺人既跡象，白蘭特既多用性令佢可以勝任中場同後衛，舒緩一下曼聯缺人既壓力。白蘭特亦於曼聯對西布朗同韋斯咸既比賽末段各入一球，避免曼聯全失三分。
白蘭特於十一月中因傷掛起過兩個月既免戰牌，而喺呢段時間曼聯亦於一啲對中游球隊既比賽中失分，而朗尼亦要轉任中場。
5.曉姆斯
多蒙特因為傷兵問題而導致佢地要喺德甲下游打滾已經唔係咩大秘密，而其中一個因傷缺陣既核心球員就係德國中堅曉姆斯。多蒙特今季攻不銳，守不穩，吃下接連既敗仗絕對係意料中事。曉姆斯今季只係正選上陣過十二場德甲、一場歐聯同一場德國盃，喺曉姆斯上陣既呢十二場入面，多蒙特失左十四球；而曉姆斯缺陣時，多蒙特只用九場就失左十四球，可見曉姆斯對多蒙特後防既重要性。佢其中一次重要既貢獻係於對賀芬咸既聯賽中用頭鎚護空門，為多蒙特賺得寶貴既三分。
6.馬迪
馬迪既表現向球壇說說明左一個好既防守中場對現代足球既重要性，尤其是現代足球講究兩閘不將前插進攻。呢位塞爾維亞中場一直係車路士主帥摩連奴既愛將，並且係正選既不二之選。今季車路士唔同位置上都有唔同既球員嘗試擔任，並且都有唔錯既效果，唯獨陣中冇人可以取代到馬迪既作用。
車路士開季後一直於聯賽保持不敗，直至十二月作客紐卡素，該場馬迪正正因為停賽而缺陣。之後摩連奴於對巴拉福特既足總盃比賽中再次收起馬迪，結果車路士爆冷出局。今季米基爾同拉美利斯都嘗試過擔任防守中場，但效果都未及馬迪理想。
7.史度列治
利物浦於上年暑假將球隊射手蘇亞雷斯售至巴塞隆拿，鋒線殺傷力下降唔少，而雪上加霜既係：史度列治於季初即告受傷。冇左呢位英格蘭前鋒，利物浦嘗試使用域奇林拔、波連尼同巴洛迪利取代之，可惜佢地都發揮不濟，導致利物浦失去左上年出色既入球能力。
紅軍陣中不乏機會創造者，例如古天奴、拉蘭拿同史達寧，但係佢地欠缺一個可以將機會轉化成入球既球員。史度列治由14年9月至15年1月缺陣期間，利物浦於聯賽不斷失分、於聯賽盃及歐聯出局，而喺史度列治復出既第一場比賽中，佢就用入波向大家證明佢既實力。
8.耶耶托尼
呢位科特迪瓦中場於上季展示左佢全能既實力，除左實力既提升之外，耶耶托尼亦為曼城帶黎球隊精神上既支持。今季耶耶托尼未搵到佢上季既狀態，而曼城亦表現慢熱，但當佢表現回勇時，曼城成績亦隨之而穩步上揚。
耶耶托尼既重要性，我地可以由曼城於佢去左踢非洲國家盃而缺陣時既表現度睇得出，曼城於五場聯賽中只得一勝，被車路士拋離七分，加上於足總盃爆冷地被米杜士堡淘汰出局。
耶耶托尼會於曼城歐聯十六強對巴塞隆拿既首回合賽事中停賽，曼城要於耶耶托尼下擊敗巴塞真係毫不容易。
請支持「隨心寫足球」為大家繼續送上好文:https://www.facebook.com/footballvoicehk
原文,經編輯
請按此登錄後留言。未成為會員? 立即註冊