九宗一月最荒謬轉會傳聞 精選

每逢去到轉會窗時，一定會謠言滿天飛，一時又話邊個球員想離開球會，一時又話邊間球會對邊個球員有興趣。呢啲傳聞係真定係假，相信好多球迷都未必摸得清。既然而家一月轉會窗已過，我地不妨回顧一下究竟剛過去既冬季轉會窗傳出過邊幾個最荒謬既轉會傳聞啦。(其實呢篇文馬後炮味甚濃~)

1.史尼達->修咸頓
呢單轉會消息唔係一月先傳出黎，而係喺十二月時已經傳出。雖然修咸頓今季既表現令人喜出望外，但似乎佢地仍然未有足夠既吸引力去吸引史尼達呢位現效力加拉塔沙雷既荷蘭球星加盟，加上修咸頓未必會應付得起史尼達既貴價合約，相信唯一合理既原因係朗奴高文都係荷蘭人，有機會可以勸服到史尼達加盟。

2.萊斯->皇馬
萊斯長期都係唔會轉會傳聞既主角，呢位德國國家隊成員有傳一月時會離開母會多蒙特，於眾多既球會選項中選擇轉投西甲既皇馬。當然，皇馬係世上其中一間最大球會，陣容星光熠熠，大部份球員都想加盟，不過萊斯又點會去一間未必可以提供大量上陣機會俾佢既球會呢？

3.達史迪根->利物浦
達史迪根今季先剛從慕遜加柏加盟巴塞隆拿，半季後就有消息指出利物浦因為想加強門將競爭同實力，有意以1700萬鎊簽入呢位德國門將，但係巴塞羅那最近被罰轉會禁令，要佢地賣走陣中既球星似乎就唔太可能喇。

4.施治->阿仙奴
為大家再送上一個門將消息，一月既時候有消息話阿仙奴有意簽入車路士既老臣子施治，而且有傳摩連奴批准呢項交易發生，因為阿仙奴唔係車路士既爭標對手，施治亦據報想離隊他投，因為佢今季長居新星古爾圖斯既後備位置。話雖如此，車路士今年仍要三線作賽，唔會放走一個實力有保證既後備門將，以備不時之需。
5. 拉傑迪->曼城/曼聯
今季拉傑迪由西維爾轉投巴塞隆拿，並逐漸接替沙維同恩尼斯達，成為球隊中場不可或缺既一員，卻莫名其妙地與曼市雙雄扯上關繫，一個剛找到自己小天地既球員，又點會輕易離去呢？

6.迪斯高->史篤城迪斯高自加盟曼城之後，好多時候都會喺後備席出現，但呢位波斯尼亞前鋒似乎冇乜傳過話喺曼城過得唔開心。不過依然有消息指出迪斯高會喺一月轉投英超史篤城，但相信就算迪斯高係唔開心既，亦唔會接受轉投史篤城呢種中型班球會。

7.巴爾->曼聯
呢個傳聞喺一月可以話係未曾停止過，相信好多曼聯球迷都會憧憬巴爾著上曼聯既戰衣，但事實上呢單轉會都幾難會發生，因為巴爾喺皇馬都過得相當愉快，亦不乏上陣機會，所以巴爾自己最後都出黎澄清話自己冇考慮加盟曼聯。

8.賓斯馬->利物浦
利物浦今季簽入巴洛迪利，但該位意大利前鋒表現讓人大失所望，所以有傳利物浦想於一月簽入賓斯馬以加強前線功力。不過賓斯馬而家喺皇馬踢得越黎越得心應手，係組成皇馬進攻線既重要元素，佢又點會放棄呢一切而轉會去利物浦重新開始呢？
9.美斯->車路士
今年一月其中一個最引人注目既轉會傳聞就係美斯會轉會到車路士，事源係美斯於Instagram關注左車路士、古爾圖斯同菲臘比路爾斯，讓大家都以為美斯係為自己轉會車路士鋪路。好多球迷都會好期待美斯於英超作賽既畫面，但顧及到金錢同美斯喺巴塞會方心中既地位之後，相信大家都知道呢單傳聞係無可能成事。
若你鐘意「隨心寫足球」，請like以下專頁:[/size]https://www.facebook.com/footballvoicehk

原文,經編輯