莫耶斯"The Chosen One"橫額將被拍賣

隨心寫足球 於 31/12/2014 發表 收藏文章
製作莫耶斯"The Chosen One"橫額既球迷組織宣布佢地將會拍賣"The Chosen One"橫額以作慈善之用。

響莫耶斯帶領緊曼聯既時候,幅橫額就一直被掛響奧脫褔球場既看台上面。曼聯響莫耶斯帶領下既成績未如理想,最後莫耶斯響14年4月畀人炒左,曼聯亦只令人失望地以第七名完成英超,而響呢位蘇格蘭籍領隊離任後,幅橫額就被收埋左同保存住。


班球迷組織當時係用左450英鎊去製造呢幅大型橫額,而家曼聯話畀個組織知佢地一定要而家拎番走幅橫額。球迷組織其中一個成員Andrew Kilduff向每日電訊報表示:

「而家幅"The Chosen One"橫額仲響曼聯既儲物室,會方其實已經叫我地盡快去拎番,只係我地未有時間去做住。國家足球博物館其實表示有興趣去收藏我地幅橫額,但就未同我地有任何聯絡,所以我地好可能會拍賣出去以作慈善之用。 我地以前都有拍賣過其他橫額,例如我地曾經拍賣過蘇斯克查既橫額並賺到二千鎊,之後我地就將賺到既錢捐畀蘇斯克查既慈善會,所以我地都好樂意用"The Chosen One"橫額做差唔多既野。」

Kilduff仲話佢覺得莫耶斯一直都冇鐘意過幅橫額,同埋其實佢被炒前既一段日子,有人計劃投票決定會唔會拆幅橫額落黎。佢最後亦表示佢地個組織有意再製作其他橫額,去紀念著名曼聯球星如白賴仁笠臣或卜比查爾頓為曼聯既貢獻。



若你喜歡「隨心寫足球」,請多多支持。

參考,內容經過編輯
標籤: 曼聯  莫耶斯  英超  

留言


請按此登錄後留言。未成為會員? 立即註冊
    快捷鍵:←
    快捷鍵:→