雖然大部分人都覺得阿仙奴要響一月買個新中堅，槍手其實都可能需要買入一個好既防中。以阿迪達同法明尼既表現，相信大家都未被佢地說服到佢地就係防中位既Mr. right。響呢篇文，我地即管探討下阿仙奴一月可以試下買入邊個防中，去增強中場既穩定性同防守能力。
1.威廉卡維奴 (William Carvalho)
根據《獨立報》，呢位估價為2000萬歐元既葡萄牙人係雲加既頭號目標，佢優秀既體格可以立即令阿仙奴既中場有更強既防禦能力，除左優秀體格，佢亦都有精準既傳波能力同位置感。雖然佢今年響士砵亭既表現有下跌，但係相信佢加盟阿仙奴既話會有望令佢重生。
2. 舒尼達連 (Morgan Schneiderlin)
舒尼達連係今年修咸頓打得咁好既其中一個原因。今年修咸頓放左梳爾等球員，但成功留住舒尼達連，而呢步對修咸頓非常重要：舒尼達連好有效咁保護到後防，而家修咸頓失球為英超第二少(第一為榜首車路士)，舒尼達連可以話係功不可沒。修咸頓應該唔會冬季放人，但係夏季時睇得出如果真係有球會畀個岩既價錢，修咸頓都唔會當舒尼達連係非賣品，且看雲加會唔會出個靚價喇。
3.恩保拿 (Giannelli Imbula)
恩保拿上年歐聯代表過馬賽對阿仙奴，而今年佢亦係馬賽領先法甲既功臣之一，佢寬闊既跑幅令人回想起前阿仙奴隊長韋拉，而佢既鬥志同上佳既技術亦係令人欣賞既能力之一。而且佢只得22歲，仲有大把世界，睇下雲加會唔會將佢收入旗下。不過據"Daily Star"既消息，除左阿仙奴，車路士都想引入呢位球員，所以阿仙奴想買佢，要先爭贏車仔。
4. 干拿倫斯(Maxime Gonalons)
呢位里是昂球員係阿仙奴既長期目標，據"The Express"報道，阿仙奴早響今年暑假已同拿玻里爭緊去簽佢，不過干拿倫斯最後選擇留響里昂，而佢今季繼續有平穩既發揮。干拿倫斯唔係一個好強既球員但佢絕對係信得過，而且佢可以打防中同中堅，所以當阿仙奴又唔夠中堅用既時候，就可以搵佢去頂一頂先，唔使夾硬改堆閘位球員打中堅。
5.卡巴耶 (Yohan Cabaye)
響2013年既夏季，卡巴耶曾經係阿仙奴既目標，但係佢地最後免費簽入左法明尼。據"The Express"透露，現效力PSG既卡巴耶可能又再次進入雲加既觀察範圍。雖然佢唔係防中，而體格亦未有阿仙奴球迷期望般咁健壯去掃蕩，但佢有可能做到阿迪達既角色，如阿仙奴引入卡巴耶，雲加可能將佢身上進行改造，出演如阿迪達般既角色。
若你喜歡「隨心寫足球」，請多多支持。
參考: 原文,內容經過編輯
請按此登錄後留言。未成為會員? 立即註冊