小弟既文章：阿仙奴冬季轉會窗會做啲乜？講過雲加今個冬季轉會窗未必會有所動作，就算有都只會係借一兩個人，但係阿仙奴右閘迪布治上場於對史篤城比賽中膊頭受傷後，雲加都逼不得已要承認會準備響呢個轉會窗灑上金錢喇。
據《Daily Star》報道，雲加必定會響轉會期入面做野，因為佢深感而家阿仙奴後防線既深度唔夠，問題十分逼切。佢話：「我地又失去左一個有經驗既後衛，呢個係一個大問題，因為我地而家又變到好缺人。本身我可能會引入一啲其他位置既球員，但係迪布治既傷患肯定話俾我地知：我地中堅位置最缺人。(迪布治今季曾客串中堅，雲加可能當佢係半個中堅)」
阿仙奴今季各個位置既球員都不斷傷，進入一月既時候好似有啲好轉，禾確特奧斯爾都相繼復出，但又突然整單迪布治甩骹出黎，更令後防深度不足既問題再次浮現，難怪雲加要難得咁公開宣佈阿仙奴要買人啦。阿仙奴而家急需增強後防線同增強中場防守力，因為阿仙奴既防守力不足既問題已經現哂形。
修咸頓既舒尼達連(M. Schneiderlin)仍然係雲加既目標，(請睇5名阿仙奴可在一月轉會窗考慮購入的防守中場)佢響上一場擊敗曼聯既比賽中再次展示出自己既實力，佢既防守工作同場上智慧都給球評家加利尼維利留下深刻印象，加利仔仲催促阿仙奴快啲將舒尼達連收歸旗下添！《鏡報》評論都話：「舒尼達連可以踢任何一隊頂級球隊，踢車路士，曼城，阿仙奴，曼聯，熱刺，利物浦都冇問題，佢已經用左兩三年去證明自己係個有質素既球員，俾我係阿仙奴都會即刻買佢！」另外一提，舒尼達連今季為修咸頓踢左16場，入左3球，有傳曼聯都想簽佢。
若然阿仙奴簽唔到舒尼達連，佢地可以考慮下紐卡素既穆沙施素高(M. Sissoko)，呢位球員最近話過如果雲加願意簽佢既話，對佢黎講好吸引。佢向一個法國節目講：「我想去一間大球會踢波，而位處英格蘭既大球會會係我既第一選擇，如果雲加搵我，我一定會私底下同佢傾，阿仙奴呢間球會一直都響我心目中。」穆沙施素高係一個多用途中場，今季響紐卡素踢得好好，而且有意加盟大球會，但阿仙奴而家需要既係一個較為防守型既中場，呢位法國國腳未必係最適合既人選。
最後一位阿仙奴可能會簽入既球員係同市球會韋斯咸既後衛雲斯頓列特(W. Reid)，雲加最近對佢既興趣好似少左，但係列特同韋斯咸仲未搞掂續約問題，而列特亦想留響倫敦，加上據報列特仍然係雲加想簽後衛名單中既第一位，所以佢可能最後出其不意咁加盟阿仙奴。
雲加著手冬季轉會窗既決定非常明智，因為阿仙奴既防守能力尚未足以令球隊響歐聯拎到好成績，而英超方面佢地仲排緊響第五，急需加強防守能力以繼續於積分榜爬升，若然阿仙奴買到高防守力而又有領導才能既防守球員，佢地可能會響英超中接連報捷，而且唔使再俾人響歐聯16強踢出局。而家就咁睇舒尼達連係最佳人選，但響呢個時刻同競爭形勢，阿仙奴應該要用大量銀彈先可以買入佢喇。
若你鐘意「隨心寫足球」，請like以下專頁:https://www.facebook.com/footballvoicehk
原文,內容經過編輯
據《Daily Star》報道，雲加必定會響轉會期入面做野，因為佢深感而家阿仙奴後防線既深度唔夠，問題十分逼切。佢話：「我地又失去左一個有經驗既後衛，呢個係一個大問題，因為我地而家又變到好缺人。本身我可能會引入一啲其他位置既球員，但係迪布治既傷患肯定話俾我地知：我地中堅位置最缺人。(迪布治今季曾客串中堅，雲加可能當佢係半個中堅)」
阿仙奴今季各個位置既球員都不斷傷，進入一月既時候好似有啲好轉，禾確特奧斯爾都相繼復出，但又突然整單迪布治甩骹出黎，更令後防深度不足既問題再次浮現，難怪雲加要難得咁公開宣佈阿仙奴要買人啦。阿仙奴而家急需增強後防線同增強中場防守力，因為阿仙奴既防守力不足既問題已經現哂形。
修咸頓既舒尼達連(M. Schneiderlin)仍然係雲加既目標，(請睇5名阿仙奴可在一月轉會窗考慮購入的防守中場)佢響上一場擊敗曼聯既比賽中再次展示出自己既實力，佢既防守工作同場上智慧都給球評家加利尼維利留下深刻印象，加利仔仲催促阿仙奴快啲將舒尼達連收歸旗下添！《鏡報》評論都話：「舒尼達連可以踢任何一隊頂級球隊，踢車路士，曼城，阿仙奴，曼聯，熱刺，利物浦都冇問題，佢已經用左兩三年去證明自己係個有質素既球員，俾我係阿仙奴都會即刻買佢！」另外一提，舒尼達連今季為修咸頓踢左16場，入左3球，有傳曼聯都想簽佢。
若然阿仙奴簽唔到舒尼達連，佢地可以考慮下紐卡素既穆沙施素高(M. Sissoko)，呢位球員最近話過如果雲加願意簽佢既話，對佢黎講好吸引。佢向一個法國節目講：「我想去一間大球會踢波，而位處英格蘭既大球會會係我既第一選擇，如果雲加搵我，我一定會私底下同佢傾，阿仙奴呢間球會一直都響我心目中。」穆沙施素高係一個多用途中場，今季響紐卡素踢得好好，而且有意加盟大球會，但阿仙奴而家需要既係一個較為防守型既中場，呢位法國國腳未必係最適合既人選。
最後一位阿仙奴可能會簽入既球員係同市球會韋斯咸既後衛雲斯頓列特(W. Reid)，雲加最近對佢既興趣好似少左，但係列特同韋斯咸仲未搞掂續約問題，而列特亦想留響倫敦，加上據報列特仍然係雲加想簽後衛名單中既第一位，所以佢可能最後出其不意咁加盟阿仙奴。
雲加著手冬季轉會窗既決定非常明智，因為阿仙奴既防守能力尚未足以令球隊響歐聯拎到好成績，而英超方面佢地仲排緊響第五，急需加強防守能力以繼續於積分榜爬升，若然阿仙奴買到高防守力而又有領導才能既防守球員，佢地可能會響英超中接連報捷，而且唔使再俾人響歐聯16強踢出局。而家就咁睇舒尼達連係最佳人選，但響呢個時刻同競爭形勢，阿仙奴應該要用大量銀彈先可以買入佢喇。
若你鐘意「隨心寫足球」，請like以下專頁:https://www.facebook.com/footballvoicehk
原文,內容經過編輯
請按此登錄後留言。未成為會員? 立即註冊