冬季轉會窗已經過左一個星期，但係阿仙奴仲未有新既收購品，但被租借去國際米蘭既普度斯基已經成為第一個離開球隊既人，而耶耶辛洛高似乎會係第二個，雖然雲加有意畀呢位法國前鋒去另一隊英超球隊拎經驗，但據報辛洛高非常接近被借去法甲波爾多。阿仙奴球迷自然都會諗：雲加今個月究竟會為佢地帶黎邊個呢？
雖然雲加放兩個前線球員離開球會，但似乎佢唔會帶另外一位前線球員返黎代替佢地，因為之前斷左十字韌帶既禾確特傷癒左，而雲加亦有感佢可以補上空缺。而家隊中有基奧特，韋碧克，山齊士，祖爾甘寶同禾確特，雲加會覺得得前線上已經夠人，佢甚至願望畀新星艾卡邦落場試，用一線隊上陣機會去勸服佢今夏續約。大大話話前面有成六個人，雲加應該唔會再買前鋒。
咁若然雲加唔係想要前鋒，佢會買邊個去增強球隊實力呢？其實一直以黎大家都覺得阿仙奴最逼切要買中堅，而家阿仙奴隊中只有梅迪薩卡同哥斯尼兩個具經驗既中堅，哥斯尼今年仲要畀跟腱傷患困擾，而張伯斯、蒙利爾同迪布治都有打過中堅，但佢地最舒服既位置始終都係閘位，而唔係中堅。
不過近幾星期哥斯尼既復出，加上中場球員既傷令雲加又未必覺得中堅係最緊急要人。據《Guardian》透露，雲加而家覺得中場先係最逼切要人既位置，佢話：「如果你見到球隊既傷患情況，我地而家缺少左阿迪達、藍斯同韋舒亞，我地而家中場中間唔係好夠人。」咁睇黎雲加係想要一個中場，但當然佢都應該記得佢要一個中堅。
雲加既問題係：佢唔鐘意響一月買人，佢永遠唔鐘意響冬季買一個人黎救火，通常佢會寧願捱到夏天先買，而唔係響冬天買一個唔係佢第一選擇既人。雲加團隊一直有一堆佢既觀察目標，除非目標球員既所屬球會突然響冬季肯放人，如果唔係佢都唔會出手，平時雲加應該唔會買佢目標名單以外既人，因為佢好少會買一啲佢未好好觀察過既人。例如上年咁，雲加響冬天都只係借左瑞典中場卡士唐，雖然佢打得都算唔錯，但雲加夏天嗰陣都係冇買到佢，因為卡士唐真係只係拎黎應急去打個中場中。
如果阿仙奴本身諗住買個大球星，可能前一排已經洩緊風聲佢地做緊野，但係似乎佢地而家仲係靜觀事態發展，佢地既首選目標仲係未買得到住，阿仙奴既球迷可能得到既又係一個短暫借住先既球員喇。
若你鐘意「隨心寫足球」，請like以下專頁:https://www.facebook.com/footballvoicehk
原文,內容經過編輯
雖然雲加放兩個前線球員離開球會，但似乎佢唔會帶另外一位前線球員返黎代替佢地，因為之前斷左十字韌帶既禾確特傷癒左，而雲加亦有感佢可以補上空缺。而家隊中有基奧特，韋碧克，山齊士，祖爾甘寶同禾確特，雲加會覺得得前線上已經夠人，佢甚至願望畀新星艾卡邦落場試，用一線隊上陣機會去勸服佢今夏續約。大大話話前面有成六個人，雲加應該唔會再買前鋒。
咁若然雲加唔係想要前鋒，佢會買邊個去增強球隊實力呢？其實一直以黎大家都覺得阿仙奴最逼切要買中堅，而家阿仙奴隊中只有梅迪薩卡同哥斯尼兩個具經驗既中堅，哥斯尼今年仲要畀跟腱傷患困擾，而張伯斯、蒙利爾同迪布治都有打過中堅，但佢地最舒服既位置始終都係閘位，而唔係中堅。
不過近幾星期哥斯尼既復出，加上中場球員既傷令雲加又未必覺得中堅係最緊急要人。據《Guardian》透露，雲加而家覺得中場先係最逼切要人既位置，佢話：「如果你見到球隊既傷患情況，我地而家缺少左阿迪達、藍斯同韋舒亞，我地而家中場中間唔係好夠人。」咁睇黎雲加係想要一個中場，但當然佢都應該記得佢要一個中堅。
雲加既問題係：佢唔鐘意響一月買人，佢永遠唔鐘意響冬季買一個人黎救火，通常佢會寧願捱到夏天先買，而唔係響冬天買一個唔係佢第一選擇既人。雲加團隊一直有一堆佢既觀察目標，除非目標球員既所屬球會突然響冬季肯放人，如果唔係佢都唔會出手，平時雲加應該唔會買佢目標名單以外既人，因為佢好少會買一啲佢未好好觀察過既人。例如上年咁，雲加響冬天都只係借左瑞典中場卡士唐，雖然佢打得都算唔錯，但雲加夏天嗰陣都係冇買到佢，因為卡士唐真係只係拎黎應急去打個中場中。
如果阿仙奴本身諗住買個大球星，可能前一排已經洩緊風聲佢地做緊野，但係似乎佢地而家仲係靜觀事態發展，佢地既首選目標仲係未買得到住，阿仙奴既球迷可能得到既又係一個短暫借住先既球員喇。
若你鐘意「隨心寫足球」，請like以下專頁:https://www.facebook.com/footballvoicehk
原文,內容經過編輯
請按此登錄後留言。未成為會員? 立即註冊