曼聯今夏可以考慮收購既五位右閘 精選 推薦

喺呢半季，曼聯同巴塞丹尼爾艾維斯既傳聞一直被炒至熱哄哄。點知，最近丹尼爾艾維斯卻宣佈續約，令人大跌眼鏡，最失望既一方可能係曼聯，因為佢地失去呢位頂級右閘加盟既機會。喺丹尼爾艾維斯留隊之後，曼聯要另覓一位新既右閘人選，增強右路實力，以下係五位曼聯可考慮既五位右閘。

尼達利基尼
尼達利基尼係加盟曼聯既一大熱門，據聞曼聯教頭雲高爾對佢有興趣已久，若然未能簽入丹尼爾艾維斯，就會考慮收購同樣於英超搵食既尼達利基尼。尼達利基尼今季於修咸頓踢出優秀既表現，呢位前水晶宮球員吸引到唔少球會既青睞，包括曼聯既死敵利物浦。利物浦比曼聯更早出手，只可惜早前既報價既拒絕，若然曼聯唔快啲加入競爭，好可能會被利物浦先搶走心頭好。

施密斯高文
以往不時傳出曼聯對愛華頓既左閘拜恩斯有興趣，不過今次既主角卻變成拜恩斯既隊友施密斯高文。施密斯高文近幾季可以話係扶搖直上，坐穩愛華頓既正選右閘位置，不過呢位愛爾蘭人只係得廿六歲，仲有唔少既進步空間。今季施密斯高文於英超上陣過三十五場，已向外界證明自己既體能同於後防線上既創造力可以成為曼聯重要既資產。

卡華積
卡華積於過去十八個月以穩健既表現穩坐皇家馬德里既正選右閘位置，但係如今安察洛堤已經下台，加上又有巴西右閘丹尼路從波圖加盟皇馬，而球隊老將艾比路亞以往同新領隊賓尼迪斯又有合作經驗，卡華積既地位可能會動搖。若然曼聯可以喺皇馬呢堡多事之秋帶走卡華積，一定可以大大增強右路既防守能力，因為卡華積上季於西甲既攔截成功率超過五成。

馬迪奧達米安
馬迪奧達米安可能冇咁受球迷熟悉，因為佢只係效力意甲中游球隊拖連奴。經過上季喺施連奴既優秀表現之後，達米安入選2014世界盃意大利大軍，並於對英格蘭既賽事中大受好評，自此佢就開始多人認識。佢亦被選為2014意大利國家隊最佳球員，絕對係對佢實力既一個肯定。雖然拖連奴今季只得意甲第九，但達米安既成績絕不失禮，攔截成功率高達五成。

贊迪斯基
今季慕遜加柏於德甲擠上第三，成功進軍下屆歐聯，贊迪斯基係一大功臣。贊迪斯基除左可以踢右閘之外，亦都可以串演中堅，今季佢踢左十五次右閘，廿三次中堅。呢個可以踢唔同位置既優點可能會令雲高爾更加鍾意贊迪斯基，回望返雲高爾上個夏天既收購，白蘭特同盧祖都係一啲可以踢多過一個位既球員。此外，贊迪斯基上季既罰球入球率係五大聯賽中最高，收購佢可令曼聯既罰球武器庫再得一位大將。

若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
大家睇左延伸閱讀既文未？未就睇完呢篇快啲睇下喇，多謝支持~

原文.經編輯