施捷斯尼即將外借羅馬,即場舉起新球隊頸巾

隨心寫足球 於 28/07/2015 發表 收藏文章
阿仙奴今季收購施治後,同時擁有三國國門(捷克:施治;哥倫比亞:奧斯賓拿;波蘭:施捷斯尼),一定未能滿足大家既上陣時間,早前奧斯賓拿話想留隊競爭正選位置,雲加只好向效力球隊多年既施捷斯尼下手,外借佢至意甲羅馬,早前施捷斯尼亦於社交媒體Instagram表示過自己會加盟羅馬。而剛才施捷斯尼終於抵達羅馬,準備完成外借手續。


施捷斯尼一到羅馬,得到大量傳媒同球迷既歡迎,佢亦隨即舉起新球隊頸巾影幅相,唔知佢係咪急不及待代表球隊上陣呢?據聞羅馬一直對施捷斯尼極有興趣,但阿仙奴及球員本人都無意進行永久轉會,所以外借係最佳選擇,而今次外借中,羅馬要向阿仙奴交出25萬鎊既租借費。


施捷斯尼於2009年擠身阿仙奴一隊陣容,偶有佳作,但亦時常有不穩既一面。上季施捷斯尼於對修咸頓既英超賽事中犯下兩個失誤,將正選位置讓俾新加盟既奧斯賓拿,今季施治加盟,讓施捷斯尼既上陣機會一再減少。外借至羅馬,可能係對阿仙奴、羅馬同施捷斯尼既最佳方案。



若然你鐘意「隨心寫足球」,不妨讚好本版facebook專頁,本版會為大家繼續送上好文:

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→