施丹：當年我想謝拉特拍我打中場！ 精選 推薦

自從謝拉特宣佈季尾離開利物浦之後，各方都讚揚謝拉特係一位忠心的球星，為利物浦貢獻良多，但要數到最具份量既讚賞，就一定係施丹對佢既評價。

謝拉特，施丹

呢位法國球王向《Liverpool Echo》透露佢覺得謝拉特有幾勁，同埋佢2004年嗰陣點樣叫皇馬主席嘗試簽謝拉特。

佢話：
我曾經講過：當謝拉特響佢既高峰時，佢係世上最佳球員。我2004年既時候同佩雷斯(當時皇馬主席)講過我想謝拉特同我一齊為皇馬打中場。我知皇馬曾經兩次試過去簽謝拉特，但佢都拒絕哂。好少球員會拒絕皇馬既邀請，但謝拉特拒絕左兩次，可見佢係幾咁有忠誠。

謝拉特身穿皇馬波衫改圖

謝拉特早前宣佈左佢會響季尾離開利物浦，據消息指佢會同洛衫磯銀河簽一份為期十八個月既合約。

若你鐘意「隨心寫足球」，請like以下專頁:https://www.facebook.com/footballvoicehk

參考,內容經過編輯