足球世界係殘酷既，當一位球員表現良好時，球迷同球評家都會對佢加予讚賞，令該球員越踢越有信心，但係當一位球員一時踢得差時，不單會受到來自球迷同球評家既批評，而且仲可能失去上陣機會，所以一位近況不佳既球員要重拾狀態，踢番出身價係絕對唔容易既。以下有啲球員係以往未有太多機會，今季成功向外界證明自己既實力；有啲就係經歷過一段低沉期，今賽季終於踢番以往既表現。
1.文尼斯 (AC米蘭)
文尼斯以往一直都係PSG同法國隊既正選球員，但係上季佢喺球會上陣既機會唔多，多數都係做後備，所以佢最終選擇自由轉會至意甲既AC米蘭。雖然文尼斯係一個免費加盟既球員，但佢既實力一樣有保證，今年佢喺表現不佳既AC米蘭中一樣有亮眼既表現。佢至今已經為球隊於意甲攻入十二球同交出兩次助攻，佔了全隊入球(32球)接近四成，若然AC米蘭今季最後得唔到下季歐洲賽既資格，其他球隊可能會合演一輪「文尼斯爭奪戰」。
2.貝特蘭(修咸頓)
自從加入車路士既青訓系統之後，貝特蘭已經外借加盟過七隊唔同既球隊。今季摩連奴上任車路士既領隊之後，似乎覺得貝特蘭未達一隊既要求，所以將佢外借至修咸頓。去到修咸頓之後，佢成為今季英超其中一位閘位球員，並不時交出令人印象深刻既表現，所以修咸頓都唔想「走寶」，連忙喺一月正式以永久轉會簽入佢。呢位25歲既英格蘭後衛至今仍然係修咸頓陣中不可或缺既一員，並為球隊送上左兩個入球同兩個助攻。
3.蘭尼(士砵亭)
蘭尼初到曼聯既時候，大家都期望佢可以成為「新C朗」，就算唔得，都希望佢喺曼聯可以成為頂級球員。可惜既係，佢複製唔到佢同胞成功既腳步，生涯表現於近幾季甚至有回落既跡象。今年曼聯將呢位葡萄牙人借返去佢母會葡超士砵亭，除左係作為盧祖既交易一部份外，亦希望佢可以喺士砵亭重拾狀態。蘭尼喺士砵亭表現唔錯，於聯賽射入三球。儘管士砵亭於歐聯小組賽被淘汰出局，但蘭尼既表現絕不遜色，佢射入左四球並有兩個助攻。
相信球迷們都好期待佢下年重返曼聯時可以為曼聯帶黎實力上既補充。
4.艾殊利楊格(曼聯)
曼聯上季以歷史最差成績完成英超，除左主帥莫耶斯被炒之外，球員們都被猛烈批評，其中一個受得最多批評既就係楊格。楊格當初加盟曼聯時正值佢既實力巔峰，但佢越踢越差，經常受到球迷惡罵，大家都希望可以見得番加盟初期既楊格。
今季曼聯陣容於雲高爾上任後作左一個大清洗，但楊格憑住佢季前賽既上佳表現得以留低。今季楊格重新出發，出任左翼衛甚至左閘。雖然佢傷過一排，但佢直至而家已經踢左十一場英超，獲得唔少上陣機會。佢於反擊時既速度，同埋傳中都係曼聯珍貴既資本。
5.高基連(阿仙奴)
高基連上位既故事，相信各位讀者都知道唔少，佢上榜亦都係實至名歸既。於查爾頓被急召重返阿仙奴之後，高基連先於對紐卡素、利物浦同QPR既比賽中後備上陣，最後於對韋斯咸既比賽中正選上陣。佢於場上既拼命搶截，除左令阿仙奴中後場有更佳既保護，直接影響球隊成績之外，亦可以提升球隊既防守專注力同士氣。高基連正式上位既一場比賽非作客曼城莫屬，佢成功牽制大衛施華既發揮，並瓦解左曼城唔少攻勢。
高基連可以成為阿仙奴既正選，實力同運氣缺一不多：當初若然唔係阿仙奴傷兵滿營，雲加都未必會急召高基連回隊，大家亦未必有機會睇到呢位救命稻草既精彩發揮。
6.唐寧(韋斯咸)
早於13-14球季，唐寧便從利物浦轉投韋斯咸，因為佢未能喺利物浦發光發熱。初到韋斯咸既第一季，唐寧既表現都係未太突出，但係今季接任球隊進攻中場位置既佢就有唔錯既表現。韋斯咸主帥艾拿戴斯成功將唐寧由邊路帶到中路，而唐寧亦不負所托，為鎚仔幫射入五球同交出七個助攻，係今年球隊成績咁好既主要原因。
7.盧卡斯利華(利物浦)
盧卡斯利華07年已經加盟利物浦，於10-11賽季更成為當季最佳既利物浦球員，但上季羅渣士執掌利物浦後一直未能夠搵到一個合適既陣式讓盧卡斯利華發揮所長。今季羅渣士希望謝拉特墮後打防守中場，但成效未如理想，所以佢決定再俾一個機會盧卡斯利華，而佢亦好好把握住個機會，為利物浦做左唔少攔截等等既苦工。
盧卡斯利華對利物浦既影響好容易就睇得出：喺盧卡斯利華今季正選為利物浦上陣既20場比賽中，利物浦只係輸左兩場，佢對利物浦既正面影響絕對係無容置疑。
8.費蘭尼(曼聯)
費蘭尼同楊格一樣，為曼聯上季差勁既表現負上左唔少指責。佢上季被標籤為曼聯一個失敗既收購，因為佢似乎搵唔到場上既節奏，全季連一球都入唔到，所以外界一直盛傳佢將會於14年夏季被賣走，而更可笑既係據報冇球隊願意接收佢。但費蘭尼最終都係留低左喺曼聯，今季佢起初都係後備上陣居多，但自從佢以一個入球為曼聯於對陣西布朗既賽事中搶得一分後，佢就開始有唔少既正選上陣機會。
9.施古臣(史雲斯)
施古臣於11-12球季由德甲賀芬咸轉投史雲斯，於租借期間，呢位冰島國腳有上佳表現，吸引左熱刺於季尾將佢收歸旗下。可惜施古臣未能於熱刺站穩正選位置，只能常常喺後備席出現。有見及此，佢上年夏天選擇重返史雲斯，但今次唔再係外借身份，而係永久轉會。而佢既選擇絕對正確，喺為球隊上陣既廿四次中，佢已經交出六球入球同八個助攻，再次成為史雲斯既核心。
10.迪布尼(禾夫斯堡)
迪布尼同貝特蘭一樣都係被車路士放棄既球員，而且一樣於轉會後越踢越好。上季一月，於車路士上陣機會不多既迪布尼因為要向比利時主帥前表現自己，以便自己被選入世界盃大軍而急求上陣機會，所以毅然轉投德甲禾夫斯堡。轉戰德甲後，迪布尼擊敗葛斯、梅拿等好手，被選為德甲最佳進攻中場。佢今季其中一場代表作係上兩輪德甲對拜仁既賽事，交出左助攻同兩個入球既佢協助球隊以4-1大勝拜仁。
雖然迪布尼上季下半季已經開始爆發，但佢今季既精彩表現話俾大家聽佢仍然喺反彈上升既過程中，將來或會有更令人拜服既演出。
除左以上十位，仲有不少球員今季都有谷底反彈既跡象，例子有賴恩美臣(熱刺)、費蘭度托利斯(馬體會)、柏斯托尼(PSG)等等。
好文推介:http://s.fanpiece.hk/footballvoicehk/c1163952.html?mid=3
若你鐘意「隨心寫足球」，請like以下專頁:https://www.facebook.com/footballvoicehk
原文,經編輯
1.文尼斯 (AC米蘭)
文尼斯以往一直都係PSG同法國隊既正選球員，但係上季佢喺球會上陣既機會唔多，多數都係做後備，所以佢最終選擇自由轉會至意甲既AC米蘭。雖然文尼斯係一個免費加盟既球員，但佢既實力一樣有保證，今年佢喺表現不佳既AC米蘭中一樣有亮眼既表現。佢至今已經為球隊於意甲攻入十二球同交出兩次助攻，佔了全隊入球(32球)接近四成，若然AC米蘭今季最後得唔到下季歐洲賽既資格，其他球隊可能會合演一輪「文尼斯爭奪戰」。
2.貝特蘭(修咸頓)
自從加入車路士既青訓系統之後，貝特蘭已經外借加盟過七隊唔同既球隊。今季摩連奴上任車路士既領隊之後，似乎覺得貝特蘭未達一隊既要求，所以將佢外借至修咸頓。去到修咸頓之後，佢成為今季英超其中一位閘位球員，並不時交出令人印象深刻既表現，所以修咸頓都唔想「走寶」，連忙喺一月正式以永久轉會簽入佢。呢位25歲既英格蘭後衛至今仍然係修咸頓陣中不可或缺既一員，並為球隊送上左兩個入球同兩個助攻。
3.蘭尼(士砵亭)
蘭尼初到曼聯既時候，大家都期望佢可以成為「新C朗」，就算唔得，都希望佢喺曼聯可以成為頂級球員。可惜既係，佢複製唔到佢同胞成功既腳步，生涯表現於近幾季甚至有回落既跡象。今年曼聯將呢位葡萄牙人借返去佢母會葡超士砵亭，除左係作為盧祖既交易一部份外，亦希望佢可以喺士砵亭重拾狀態。蘭尼喺士砵亭表現唔錯，於聯賽射入三球。儘管士砵亭於歐聯小組賽被淘汰出局，但蘭尼既表現絕不遜色，佢射入左四球並有兩個助攻。
相信球迷們都好期待佢下年重返曼聯時可以為曼聯帶黎實力上既補充。
4.艾殊利楊格(曼聯)
曼聯上季以歷史最差成績完成英超，除左主帥莫耶斯被炒之外，球員們都被猛烈批評，其中一個受得最多批評既就係楊格。楊格當初加盟曼聯時正值佢既實力巔峰，但佢越踢越差，經常受到球迷惡罵，大家都希望可以見得番加盟初期既楊格。
今季曼聯陣容於雲高爾上任後作左一個大清洗，但楊格憑住佢季前賽既上佳表現得以留低。今季楊格重新出發，出任左翼衛甚至左閘。雖然佢傷過一排，但佢直至而家已經踢左十一場英超，獲得唔少上陣機會。佢於反擊時既速度，同埋傳中都係曼聯珍貴既資本。
5.高基連(阿仙奴)
高基連上位既故事，相信各位讀者都知道唔少，佢上榜亦都係實至名歸既。於查爾頓被急召重返阿仙奴之後，高基連先於對紐卡素、利物浦同QPR既比賽中後備上陣，最後於對韋斯咸既比賽中正選上陣。佢於場上既拼命搶截，除左令阿仙奴中後場有更佳既保護，直接影響球隊成績之外，亦可以提升球隊既防守專注力同士氣。高基連正式上位既一場比賽非作客曼城莫屬，佢成功牽制大衛施華既發揮，並瓦解左曼城唔少攻勢。
高基連可以成為阿仙奴既正選，實力同運氣缺一不多：當初若然唔係阿仙奴傷兵滿營，雲加都未必會急召高基連回隊，大家亦未必有機會睇到呢位救命稻草既精彩發揮。
6.唐寧(韋斯咸)
早於13-14球季，唐寧便從利物浦轉投韋斯咸，因為佢未能喺利物浦發光發熱。初到韋斯咸既第一季，唐寧既表現都係未太突出，但係今季接任球隊進攻中場位置既佢就有唔錯既表現。韋斯咸主帥艾拿戴斯成功將唐寧由邊路帶到中路，而唐寧亦不負所托，為鎚仔幫射入五球同交出七個助攻，係今年球隊成績咁好既主要原因。
7.盧卡斯利華(利物浦)
盧卡斯利華07年已經加盟利物浦，於10-11賽季更成為當季最佳既利物浦球員，但上季羅渣士執掌利物浦後一直未能夠搵到一個合適既陣式讓盧卡斯利華發揮所長。今季羅渣士希望謝拉特墮後打防守中場，但成效未如理想，所以佢決定再俾一個機會盧卡斯利華，而佢亦好好把握住個機會，為利物浦做左唔少攔截等等既苦工。
盧卡斯利華對利物浦既影響好容易就睇得出：喺盧卡斯利華今季正選為利物浦上陣既20場比賽中，利物浦只係輸左兩場，佢對利物浦既正面影響絕對係無容置疑。
8.費蘭尼(曼聯)
費蘭尼同楊格一樣，為曼聯上季差勁既表現負上左唔少指責。佢上季被標籤為曼聯一個失敗既收購，因為佢似乎搵唔到場上既節奏，全季連一球都入唔到，所以外界一直盛傳佢將會於14年夏季被賣走，而更可笑既係據報冇球隊願意接收佢。但費蘭尼最終都係留低左喺曼聯，今季佢起初都係後備上陣居多，但自從佢以一個入球為曼聯於對陣西布朗既賽事中搶得一分後，佢就開始有唔少既正選上陣機會。
9.施古臣(史雲斯)
施古臣於11-12球季由德甲賀芬咸轉投史雲斯，於租借期間，呢位冰島國腳有上佳表現，吸引左熱刺於季尾將佢收歸旗下。可惜施古臣未能於熱刺站穩正選位置，只能常常喺後備席出現。有見及此，佢上年夏天選擇重返史雲斯，但今次唔再係外借身份，而係永久轉會。而佢既選擇絕對正確，喺為球隊上陣既廿四次中，佢已經交出六球入球同八個助攻，再次成為史雲斯既核心。
10.迪布尼(禾夫斯堡)
迪布尼同貝特蘭一樣都係被車路士放棄既球員，而且一樣於轉會後越踢越好。上季一月，於車路士上陣機會不多既迪布尼因為要向比利時主帥前表現自己，以便自己被選入世界盃大軍而急求上陣機會，所以毅然轉投德甲禾夫斯堡。轉戰德甲後，迪布尼擊敗葛斯、梅拿等好手，被選為德甲最佳進攻中場。佢今季其中一場代表作係上兩輪德甲對拜仁既賽事，交出左助攻同兩個入球既佢協助球隊以4-1大勝拜仁。
雖然迪布尼上季下半季已經開始爆發，但佢今季既精彩表現話俾大家聽佢仍然喺反彈上升既過程中，將來或會有更令人拜服既演出。
除左以上十位，仲有不少球員今季都有谷底反彈既跡象，例子有賴恩美臣(熱刺)、費蘭度托利斯(馬體會)、柏斯托尼(PSG)等等。
好文推介:http://s.fanpiece.hk/footballvoicehk/c1163952.html?mid=3
若你鐘意「隨心寫足球」，請like以下專頁:https://www.facebook.com/footballvoicehk
原文,經編輯
請按此登錄後留言。未成為會員? 立即註冊