如果筆者喺上年十二月出呢篇文，相信大家睇到個題目都會覺得冇可能，因為上年既佢地行軍快速、有效率，成為球壇上最恐怖既球隊，甚至錄得廿二連勝既佳績。但世事難料，邊個又會估到皇馬踏入新既一年後成績會如此不穩，直至執筆一刻，皇馬已將西甲領先位置拱手讓俾巴塞隆拿；而喺歐聯方面，皇馬亦於主場被睇低一線既史浩克04入足四球，雖然仍然出線，但係情況實在叫人擔心。雖然皇馬於西甲同歐聯中仍保有爭冠希望，但最壞情況係佢地無冠收場，以下係六個皇馬今季可能會無冠既原因。
1. 傷患皇馬今季既傷患情況比想像中嚴重得多，首先倒下既係中場摩迪，跟住占士洛迪古斯、沙治奧拉莫斯、比比同基迪比亦接連傷出。就算基迪拉同比比復出，佢地都未搵得番最佳狀態，而占士洛迪古斯同拉莫斯更加係繼續高掛免戰牌。主將缺陣下既皇馬要爭個歐聯八強已經有難度，若然皇馬既傷兵潮持續落去既話，莫講話冠軍，四強都未必入到。
2. 輪換
安察洛堤可以於皇馬既後迪保斯基年代中成功既原因係佢戰術上既彈性。自迪保斯基離任後，皇馬帥位既繼承者們每每會硬加自己既戰術理念同風格落皇馬身上，但安察洛堤唔同，佢識得保守前任既戰術，加以改良，而且毫不猶豫去更改戰術。但係而家佢卻開始犯下固執既錯誤，就係缺少輪換球員，球員因此失去讓身體復元既時間：卻奧斯就係一個好例子，而家佢因疲態而冇左上半季既勇猛表現，而西班牙中場伊斯高亦開始出現類似問題。
3. 可預測性
喺嗰廿二場連勝入面，皇馬所向無敵，別隊都搵唔到阻皇馬獵殺佢地既能力。不過呢個世界上冇一門戰術係破唔到既，問題只在其他隊要用幾耐時間搵到解決方法。上段提到安察洛堤開始缺少輪換球員，此舉會將球隊可變性降低，讓其他球隊更快搵到擊破皇馬之道。雖然伊拉奧文迪唔係隊中最頂級既中場球員，但若然安察洛堤適時俾佢代替伊斯高或卻奧斯上陣，可以為皇馬中場注入新活力，亦可令皇馬中場線攻守更平衡，更能讓皇馬中場線有一個新既戰術效果，減少自身既可預測性。
4. 巴爾
巴爾上季無論於國王盃定歐聯都係皇馬既奪冠功臣，因為佢於兩場決賽都有入球進帳。但係如今巴爾狀態低迷下，皇馬既攻力亦因此受影響，而最奇怪既係，安察洛堤唔知係咪因為受價錢既壓力影響，堅持派巴爾上場攻堅。其實皇馬後備席上仲有唔少攻擊好手，例如謝斯，如果安察洛堤果斷放棄巴爾而用謝斯既話，皇馬既成績可能會重上正軌。
5. 巴塞隆拿
要爭奪冠軍，除左自身既成績外，仲要睇埋人地既表現：若然球隊狀態低迷時，競爭對手都跟住一齊頻頻失分既話，爭冠威脅自然冇咁大。但係皇馬而家要面對既現實係：巴塞隆拿而家既狀態火熱，MSN成功連線，巴塞近五場西甲取得12分，而皇馬只得7分，如果皇馬表演未能及時反彈既話，就等同將西甲冠軍讓俾巴塞。
6. 防守
相信各位讀者都聽過「進攻贏得比賽，防守贏得冠軍」呢句至理名言，而家皇馬既防守就面對住問題，係阻止佢地奪冠既一大危機。當皇馬後防正選可以悉數上陣時，佢地本身既個人能力同佢地之間既溝通令皇馬後防線非常堅固，但自從比比同拉莫斯輪流受傷後，皇馬後防線既穩固程度開始降低，替代者華拉尼最近時有犯錯，拿祖就未成功同其他隊友溝通合作得好好。皇馬要贏冠軍既話，就一定要解決後防既問題，無論正選球員受傷或健康，皇馬都要派出四個令人信賴既後衛。
好文推介:利物浦爭逐前四的發電機—古天奴
好文推介:英國球場的古與今小測驗，你猜得對嗎?
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
1. 傷患皇馬今季既傷患情況比想像中嚴重得多，首先倒下既係中場摩迪，跟住占士洛迪古斯、沙治奧拉莫斯、比比同基迪比亦接連傷出。就算基迪拉同比比復出，佢地都未搵得番最佳狀態，而占士洛迪古斯同拉莫斯更加係繼續高掛免戰牌。主將缺陣下既皇馬要爭個歐聯八強已經有難度，若然皇馬既傷兵潮持續落去既話，莫講話冠軍，四強都未必入到。
2. 輪換
安察洛堤可以於皇馬既後迪保斯基年代中成功既原因係佢戰術上既彈性。自迪保斯基離任後，皇馬帥位既繼承者們每每會硬加自己既戰術理念同風格落皇馬身上，但安察洛堤唔同，佢識得保守前任既戰術，加以改良，而且毫不猶豫去更改戰術。但係而家佢卻開始犯下固執既錯誤，就係缺少輪換球員，球員因此失去讓身體復元既時間：卻奧斯就係一個好例子，而家佢因疲態而冇左上半季既勇猛表現，而西班牙中場伊斯高亦開始出現類似問題。
3. 可預測性
喺嗰廿二場連勝入面，皇馬所向無敵，別隊都搵唔到阻皇馬獵殺佢地既能力。不過呢個世界上冇一門戰術係破唔到既，問題只在其他隊要用幾耐時間搵到解決方法。上段提到安察洛堤開始缺少輪換球員，此舉會將球隊可變性降低，讓其他球隊更快搵到擊破皇馬之道。雖然伊拉奧文迪唔係隊中最頂級既中場球員，但若然安察洛堤適時俾佢代替伊斯高或卻奧斯上陣，可以為皇馬中場注入新活力，亦可令皇馬中場線攻守更平衡，更能讓皇馬中場線有一個新既戰術效果，減少自身既可預測性。
4. 巴爾
巴爾上季無論於國王盃定歐聯都係皇馬既奪冠功臣，因為佢於兩場決賽都有入球進帳。但係如今巴爾狀態低迷下，皇馬既攻力亦因此受影響，而最奇怪既係，安察洛堤唔知係咪因為受價錢既壓力影響，堅持派巴爾上場攻堅。其實皇馬後備席上仲有唔少攻擊好手，例如謝斯，如果安察洛堤果斷放棄巴爾而用謝斯既話，皇馬既成績可能會重上正軌。
5. 巴塞隆拿
要爭奪冠軍，除左自身既成績外，仲要睇埋人地既表現：若然球隊狀態低迷時，競爭對手都跟住一齊頻頻失分既話，爭冠威脅自然冇咁大。但係皇馬而家要面對既現實係：巴塞隆拿而家既狀態火熱，MSN成功連線，巴塞近五場西甲取得12分，而皇馬只得7分，如果皇馬表演未能及時反彈既話，就等同將西甲冠軍讓俾巴塞。
6. 防守
相信各位讀者都聽過「進攻贏得比賽，防守贏得冠軍」呢句至理名言，而家皇馬既防守就面對住問題，係阻止佢地奪冠既一大危機。當皇馬後防正選可以悉數上陣時，佢地本身既個人能力同佢地之間既溝通令皇馬後防線非常堅固，但自從比比同拉莫斯輪流受傷後，皇馬後防線既穩固程度開始降低，替代者華拉尼最近時有犯錯，拿祖就未成功同其他隊友溝通合作得好好。皇馬要贏冠軍既話，就一定要解決後防既問題，無論正選球員受傷或健康，皇馬都要派出四個令人信賴既後衛。
好文推介:利物浦爭逐前四的發電機—古天奴
好文推介:英國球場的古與今小測驗，你猜得對嗎?
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
請按此登錄後留言。未成為會員? 立即註冊