英媒曝車路士明夏求購熱刺射手，哥斯達或告別藍軍生涯

據《每日郵報》報導，由於隊內前鋒科哥斯達今季狀態不佳，車路士準備係出年夏天簽入一名新前鋒取代佢，而佢地嘅目標依舊係熱刺當家射手哈利簡尼。
車路士今季狀態遠遠不及上季，係聯賽排名第十四位，而隊內上季係英超攻入20球嘅當家前鋒哥斯達更係狀態全無，至今係英超攻入只有6球，係歐聯攻入1球，接連錯失良機。有媒體爆料稱，係車路士其他前鋒狀態都十分低迷嘅情況下，球會希望係明夏重新引入一名前鋒以取代可能告別藍軍生涯嘅哥斯達。
熱刺當紅前鋒哈利簡尼正係藍軍嘅目標，一黎哈利簡尼今季狀態相當出色，唔單止幫熱刺高居英超積分榜第四位，還幫熱刺提前係歐霸盃小組賽中出線；二黎哈利簡尼係英格蘭本土國腳。呢兩點正正符合左車路士嘅引援要求。不過，車路士想要哈利簡尼都仲要先過熱刺呢關，之前有好多球隊包括車路士在內對哈利簡尼進行報價但都被拒絕，如今都唔例外。普捷天奴表示，好高興車路士想簽哈利簡尼，但最終佢都係會留係白鹿徑。

消息來源：http://news2.7m.cn/news/20151127/392747.shtml