英媒曝車路士再問價華拉尼，昔日鐵血隊長主力位置不保

車路士開季四輪得四分，隊長泰利帶領嘅防線漏洞百出。據英國《每日郵報》透露，摩連奴係追逐愛華頓中衛史東斯嘅同時，仲希望從皇馬挖走昔日得意弟子華拉尼。上季車路士隊長泰利38輪聯賽全部打滿90分鐘，新賽季英格蘭人嘅狀態就一落千丈，早前面對曼城中場休息即被換下，泰利嘅正選位置已經岌岌可危。
摩連奴已經察覺到防線換血嘅必要性，多次係公共場合表達左對引援嘅不滿。隨著對曼城3:0嘅敗仗，車路士一眾高層已經加快左引援嘅步伐，一個熟悉嘅名字再度被提起，佢就係摩帥係皇馬一手提攜嘅法國年青中堅華拉尼。
據悉車路士正向皇馬問價法國人，目前皇馬陣中兩名主力中衛拉莫斯同比比都獲得續約，華拉尼嘅主力位置再度打上問號。但即使係咁，皇馬放走後防天才嘅可能性並不高，摩帥呢次挖角極可能以失敗告終。