柏度後繼續有收購，欲購基沙文組成三代馬體會鋒線組合

係上星期慘敗曼城後，車路士方面痛定思痛，係已經截胡曼聯搞掂左巴塞翼鋒柏度之後，車路士主帥摩連奴仍然希望引入一位強力前鋒黎增強球隊嘅實力。而據英國媒體報道，車路士老板阿布認為車路士補強鋒線最適合嘅人選就係馬體會當家球星法國人基沙文。
而基沙文都係摩連奴非常想得到嘅球員，目前阿布好可能已經著手呢個交易。不過基沙文同馬體會嘅合同簽到2020年，而且解約金高達8000萬歐元，上季發揮如此出色嘅情況下，馬體會並唔可能接受一個較低嘅價格將基沙文賣俾車路士。
不過車路士老板阿布最多嘅就係錢，或者只要佢覺得值得，直接砸出違約金都唔係完全無可能嘅事。目前車路士陣中已經有兩名前馬體會鋒霸，分別係哥斯達同法卡奧。如果基沙文真係去到車路士，咁史單福橋將會出現三代馬體會神鋒聚首嘅壯觀場面。