皇馬尋找卡斯拿斯替身，僅六百萬簽下愛斯賓奴門將

係丹尼路同卡斯米路之後，皇馬終於要敲定今夏第三名新援。據《阿斯報》頭版頭條報道稱，皇馬基本敲定左愛斯賓奴門將卡斯拿，佢嘅轉會費僅為600萬歐元。
28歲嘅卡斯拿出身於皇馬青訓營，2007年時佢就被半賣半送俾左愛斯賓奴。不過皇馬當時係合同中留左個後著，白衣軍團一直擁有其50%嘅所有權。卡斯拿違約金為2000萬歐元，咁意味著對皇馬黎講，只需要1000萬歐元就能得到呢名西班牙門將。不過雖然咁，皇馬都係又成功砍價左400萬歐元。
皇馬之所以成功砍價，源於愛斯賓奴嘅財政危機。愛斯賓奴目前負債1.3億歐元，該隊需要係未來幾周內還債1000萬歐元。係出售部份球員之後，該隊一共只收番550萬歐元。迫於還債嘅經濟壓力，愛斯賓奴無得唔接受皇馬600萬歐元嘅報價，呢一個價碼顯然遠低於卡斯拿嘅真實價格。
《阿斯報》指出，係下星期二愛斯賓奴赴奧地利集訓之前，雙方將會官方宣布呢筆轉會。目前仲有啲小細節需要傾妥，例如皇馬想將阿辛斯奧租俾愛斯賓奴衝抵部分轉會費，而愛斯賓奴只想要現金。不過呢啲細節唔會影響卡斯拿嘅轉會大方向，佢將會係下季中成為取代卡斯拿斯嘅門將。