曼城正式報價史達寧！2500萬轉會費+500萬獎金搶新星

史達寧向羅渣士表達去意後，立即成為眾多豪門圍獵嘅對象。今日英國媒體指出，曼城已經第一個採取行動，佢地開出2500萬英鎊嘅固定報價，外加500萬英鎊嘅後續獎金，襲向利物浦。
利物浦已經將一份周薪9萬鎊嘅新合同擺上檯面，但球員嘅經紀人已經明確表態，史達寧絕對唔會簽字畫押。紅軍下季無辦法征戰歐聯，缺少左留人嘅本錢。目前，曼聯、曼城、車路士、阿仙奴以及西甲豪門皇馬，都對史達寧虎視眈眈。
星期六出版嘅《每日鏡報》透露，曼城第一次採取左實質性行動，周五夜晚，曼城官方向利物浦開出左口頭報價，藍月亮打算不日就將書面報價送到：固定轉會費2500萬英鎊，外加500萬英鎊嘅後續獎金。利物浦當然唔希望放走史達寧，但佢地要留人，壓力重重。按照《鏡報》嘅說法，利物浦對於史達寧嘅心理底線係3000萬英鎊以上，但史達寧明確表達離意後，利物浦想將球員賣出超高價，又遇到障礙。
係英國媒體睇黎，曼城應該係史達寧最有可能嘅下家。而係《每日鏡報》設置嘅球迷投票黎睇，曼城都確實係廣大球迷公認嘅熱門。曼城需要換血，又對本土球員求賢若渴，再加上歐足聯係財政公平法案上放寬，都難怪藍月亮被輿論如此睇好。