曼城高層赴慕尼黑邀哥帥，大打人情牌邀請加盟 精選

首回合1:3落敗嘅拜仁，次回合6:1痛擊波圖，順利翻盤晉級歐聯四強。拜仁主帥哥迪奧拿用呢一場經典嘅逆戰好戲，堵住批評家嘅嘴，同時話俾曼城等買家知，我值得你地去簽。實際上，曼城仲係度努力爭取今夏請黎哥帥。
拜仁再戰波圖當日，曼城足球總監飛到去慕尼黑，再度游說昔日並肩戰鬥過嘅哥帥。《每日鏡報》從哥迪奧拿身邊人士獲悉，哥帥對於黎英超闖蕩非常有興趣，佢之前已經係西甲同德甲證明左自己，樂於去面對新嘅挑戰。
哥迪奧拿之前多次表示，佢會履行完同拜仁嘅合同。可以預見嘅係，2016年夏天，注定會成為各間豪門瘋搶哥帥嘅季節。曼城為哥帥已經三顧茅廬，佢地唔想再次錯失呢位金牌教頭。曼城知道先下手為強嘅道理，佢地嘅殺手鐧，就係曼城中嘅兩位高層，佢地兩個曾經同哥迪奧拿一齊係巴塞任職。
曼城暫時做嘅係兩手準備，如果哥帥存在今夏入主曼城嘅可能，藍月亮就會盡最大努力。如果哥帥堅持要明夏先離開拜仁，咁曼城可能俾柏歷堅尼做埋下一個球季，或者聘請賓尼迪斯等教練黎過渡一年。 曼城之所以對哥帥窮追不捨，都係因為佢地驚競爭太過激烈，再次失手。係費格遜時代，曼聯相信哥迪奧拿會重振紅魔雄風，渡過財政困境嘅阿仙奴，都認定哥迪奧拿會係雲加嘅理想接任者。而係英超之外，對哥帥有興趣嘅球隊，都多不勝數。