巴塞今年夏天出售柏度，英超三強爭巴塞替補前鋒 精選

哥迪奧拿執教時期，柏度曾經係「MVP」組合嘅重要一員，不過如今係安歷基手下，佢只能淪為徹底嘅替補，佢無力同「MSN」三人組爭奪主力位置，咁令佢嘅出場時間非常有限，而巴塞對於柏度嘅依賴程度都大為降低，而《阿斯報》帶黎消息稱，西甲豪門準備係今年夏天送走佢。
柏度同巴塞嘅合同係2016年夏天到期，係之前接受採訪果陣，佢曾經表示，「目前我同巴塞有合同在身，但係未來會發生啲咩，邊個都唔知。」呢番話已經鮮明表達左柏度嘅態度，佢的確有離隊嘅諗法，咁將取決於上場時間嘅多少。
《阿斯報》統計，係今季西甲、歐聯同國王杯賽事中，佢一共先得1626分鐘出場時間，而係2015年佢僅僅有4場比賽正選上陣。眾所周知嘅係，柏度目前根本無力同美斯、蘇亞雷斯同尼馬三人爭奪主力位置，即使係替補上場，或者都係一個「奢侈品」，畢竟安歷基係部份賽事提前換走尼馬同蘇亞雷斯嘅舉動已經導致兩名大佬嘅不滿，因此未來好難分配俾柏度更多嘅出場時間。
《阿斯報》透露，以往柏度曾經被視為係巴塞嘅基石，理由係佢非常有尊業精神去參與每場比賽同訓練中，不過如今隨住佢合同截止日嘅臨近，巴塞都唔想係2016年夏天免費放佢走，西班牙媒體透露，巴塞好可能係今夏以2500-3000萬歐元嘅價格將佢出售。
柏度係一名以效率同捕捉時機聞名於世嘅前鋒，如果佢進入轉會市場肯定唔洗愁下家，《阿斯報》嘅消息稱指出車路士同曼聯都對佢興趣濃厚，而阿仙奴主帥雲加都一直有意柏度，因此，一旦柏度進入轉會市場，咁英超三強將展開一番激烈嘅爭奪戰。