佩雷斯欲高價拋售C朗，經理人說39歲在班拿貝退役？ 精選

加西亞係西班牙足球圈內威望極高嘅老記者，佢有好多獨家消息來源。係為《機密報》撰寫嘅專欄文章中，佢今天就放出左一個猛料：佩雷斯有意高價拋售C朗！
「佩雷斯終於睜開左眼睛」，一名佩雷斯幕僚係咁同加西亞講。對於C朗近期嘅表現，佩雷斯感到非常不滿。係美斯無敵狀態嘅對比下，如今嘅C朗顯得黯淡無光。係2015年度，C朗一共攻入4球助攻1球，而且仲係比賽中拳打腳踢對手，紅牌後仲故意挑釁球迷。係馬德里打比戰中，C朗交出一張白卷，慘敗之後佢仲組織派對歡歌熱舞，惹嬲左皇馬球迷。
係佩雷斯睇黎，宜家到左高價拋售C朗嘅時候。佩雷斯同C朗嘅關系其實一向並唔算融洽。當年C朗鬧出傷心事件時，針對嘅就係佩雷斯，佢曾經公開宣稱自己係班拿貝唔開心，並且將矛頭直接對住佩雷斯，佢認為自己無得到高層嘅全力支持。C朗係卡比路係2008年預定，佩雷斯只係係2009年履行合同簽下C朗，佢一直想要培養真正屬於自己嘅巨星。佩雷斯為巴爾花左1.01億歐元，而且近期巴爾屢屢獨食想搶班奪權，背後好可能有主席嘅支持。
文迪斯之前曾經多次宣稱C朗會係班拿貝退役，並預言C朗能夠將巔峰狀態保持到39歲。宜家，啱啱30歲嘅C朗就要被推上轉會市場。加西亞指出，C朗最有可能回歸曼聯，迪基亞有可能成為葡萄牙人嘅轉會犧牲品。文迪斯幾天前宣稱「會有球隊願意為C朗報價三億歐元」，呢句話如今聽起黎都幾有趣。