球迷調查冬季轉會首五位：托利斯回歸馬體會最佳 精選

2015年冬季轉會窗口已經關閉，呢個冬天無地震級嘅交易發生，托利斯、古達度、舒爾尼、邦尼係少有嘅大牌球員轉會。邊啲轉會對球員黎講係最佳選擇？歐足聯係官方Twitter、Facebook面對500萬粉絲作出調查，結果顯示，托利斯位列冬窗最佳轉會。以下係TOP 5：
1.托利斯 〈AC米蘭租借至馬體會〉

1月4日，托利斯從AC米蘭租借回歸馬體會。2007年夏天離開馬體會果時，托利斯向所有球迷承諾：「我會番黎」。7年半之後，托利斯真係番到去。重返成名地嘅托利斯搵到昔日殺手感覺，對陣皇馬梅開二度，對巴塞閃電破門，30歲嘅托利斯過得好幸福。
2.邦尼〈史雲斯轉會曼城，2800萬英鎊(3750萬歐元)〉

曼城發跡之後，靜係買前鋒就用左3億英鎊，邦尼係藍月亮最新戰利品，科特迪瓦中鋒今季英超係史雲斯攻入9球後，2800萬英鎊加盟曼城，而佢並無第一時間報到，而係代表科特迪瓦踢非洲杯。邦尼率領科特迪瓦打出好成績，曼城球迷相信邦尼能夠係伊蒂哈德球場取得成功。
3.杜姆比亞〈莫斯科中央陸軍轉會羅馬，1440萬歐元〉

冬季轉會窗，羅馬將迪斯度賣到AC米蘭，紅狼係轉會市場上尋找新槍，莫斯科中央陸軍嘅前鋒杜姆比亞進入左佢地法眼。1440萬歐元，另外有150萬歐元嘅浮動條款，羅馬簽下左杜姆比亞。不過杜姆比亞代表科特迪瓦踢緊非洲杯，等非洲杯結束之後，杜姆比亞就能夠為羅馬效力。
4.沙基利〈拜仁租借至國際米蘭〉

沙基利2012年加盟拜仁，不過「瑞士美斯」係拜仁好難競爭得過洛賓、列貝利、葛斯、梅拿等頂尖好手。今年1月8日，國米宣布租借沙基利至賽季尾。名義上係租借，其實等同於轉會，國米先租後買，今夏1800萬歐元引入佢。不過係國米嘅1個月時間，沙基利暫時仲未有太驚艷嘅發揮。
5.舒爾尼〈車路士轉會禾夫斯堡，3000萬歐元〉

呢個賽季，舒爾尼係車路士打唔到主力，夏薩特、奧斯卡、韋利安嘅出場順序都排係佢之前。再加上古達度嘅加盟，舒爾尼必須選擇離開，重返德甲，3000萬歐元加盟禾夫斯堡。作為世界杯冠軍成員，德甲嘅成名球星，舒爾尼有理由係新東家打出好表現。
此外，西班牙《馬卡報》仲盤點左部份未入TOP5榜單嘅轉會。譬如車路士2650萬英鎊引入費倫天拿翼鋒古達度、國米租借普多斯基，包列斯達加盟阿仙奴，佩雷斯2500萬歐元加盟華倫西亞，皇馬1300萬簽下盧卡斯施華，都無得到球迷認可。