摩帥唔阻施治轉投阿仙奴，只因阿仙奴非爭冠對手 精選

《每日電訊報》披露車路士主帥摩連奴今夏將允許施治離隊，屆時阿仙奴將求購，而摩帥唔會阻止施治加盟阿仙奴，因為佢認為阿仙奴唔係爭冠對手。
哥圖斯回歸後，32歲車路士老門神施治已淪為替補，關於佢離隊嘅傳聞不絕於耳，最近又曝出意甲羅馬欲係冬季簽佢。不過摩連奴放走第三門將施華沙後，表示施治絕無可能係冬季離隊，但佢同意施治係夏天選擇留隊或轉會。施治份合同到2016年夏天結束，佢如果決定轉會，大把球隊將再次上門求購。
據悉阿仙奴有意求購施治取代惹麻煩嘅舒捷斯尼，波蘭人對修咸頓果陣有2次低級失誤，仲因食煙俾雲加重罰。其實早係食煙事件前雲加就對舒捷斯尼失去信心，足總杯第三輪佢俾替補門將奧斯賓拿正選出場，並且會俾佢更多表現機會。另外利物浦都想求購施治取代表現同樣唔穩定嘅米奴列。
施治為車路左效力左11年，一直維持頂級門將水准，而今季擔任後輩哥圖斯嘅替補時，佢嘅表現依然好職業，因此車路士肯定會尊重佢嘅選擇。摩連奴回歸車路士後先後將馬達出售俾曼聯，將雷斯賣俾巴黎聖日耳門。其中高昂嘅轉會費係一個原因，另一個原因係摩帥認為當時曼聯同PSG係英超同歐聯賽場上對藍軍無威脅，阿仙奴同理。施治份合同仲有一年半，據悉佢嘅身價只有500萬鎊，絕對係夏季轉會市場嘅香餑餑。留係英格蘭尤其是倫敦係佢嘅第一選擇，因為佢嘅家人早已經係倫敦安頓落黎，而且佢要再次證明自己仲係英超頂級門將。英媒仲報道熱刺同意放行門將洛利斯，因為佢要踢歐聯，但主席列維肯定會全力阻止佢加盟北倫敦對手阿仙奴。