曼城睇中文素基治，2500萬求購馬體會鋒霸 精選

英超賽程十分密集，競爭都好激烈，衛冕冠軍曼城距離榜首嘅車路士僅有三分距離，柏帥希望球隊擁有無窮無盡嘅動力，但係藍月亮最近嘅鋒線荒令柏帥十分頭疼。阿古路、祖維迪同迪斯高嘅因傷缺陣造成曼城無鋒可用，柏帥計劃係1月份冬季轉會期開始後購買合適嘅前鋒幫助球隊度過難關。
藍月亮睇中左現時效力於馬體會嘅克羅地亞鋒霸文素基治，佢希望用2500萬英鎊嘅大合同黎引誘呢位射手黎到伊蒂哈德球場，智利工程師需要一個衝擊力強嘅前鋒為球隊帶黎活力，佢已經將文素基治列為冬季引援嘅首要目標。
同時柏帥仲睇中紐卡素鋒線殺手施斯，佢用兩個入波幫助球隊擊敗車路士，令藍軍首嘗敗績，但係喜鵲方面開出左3500萬英鎊嘅驚人報價，柏帥已經拒絕，佢表示要爭冠就需要一個成熟嘅射手，能夠保持競爭力，同時能夠好好咁填補阿古路唔係度嘅空位。