英超三大豪門追布斯基斯,巴塞出售蒙度亞態度強硬

足球轉會消息 於 01/01/2015 發表 收藏文章
如果上訴失敗嘅話,巴塞係2015年將無辦法引援。係呢種情況下,巴塞隊內核心反而成為左其他豪門追求嘅對像。據《每日體育報》報道稱,曼聯、阿仙奴同車路士都有意得到布斯基斯。
係當今足壇,布斯基斯係個相當另類嘅防中。防中通常需要強硬並且擁有遠射能力,但呢兩點一直都係布斯基斯嘅弱處。不過布斯基斯嘅分波能力就係一絕,佢往往能夠用一腳斬波令比賽走勢明朗化,咁正正係佢當年壓倒耶耶托利嘅關鍵原因所在。布斯基斯仲係個搶斷高手,佢嘅搶斷往往靠嘅係預判同卡位,而唔係比拼身體。
英超三大豪門追求布斯基斯?巴塞無可能放走佢。一黎巴塞係2015年好可能無法引援,二黎就算巴塞能夠引援,都唔太大可能搵得到布斯基斯嘅替身。係當今頂級防中中,布斯基斯風格獨樹一幟。佩奧爾今夏欽點布斯基斯繼承佢嘅5號球衣,布斯基斯都被選為球隊第四隊長,佢係巴塞更衣室內威望好高。
係冬季,巴塞最有可能離隊嘅係蒙度亞。蒙度亞迄今為止今季出場3次,其中2次仲係係佢提交左轉會申請之後。不過巴塞態度非常強硬,除非有球隊為佢支付2000萬歐元嘅違約金,否則就唔會放走蒙度亞。《慕尼黑日報》稱蒙度亞曾主動自薦拜仁,但俾哥迪奧拿回絕。

留言


請按此登錄後留言。未成為會員? 立即註冊
    快捷鍵:←
    快捷鍵:→