北倫敦雙雄競爭修咸頓王牌，聖徒或再失一名主力 精選

《每日電訊報》披露北倫敦雙雄阿奴同熱刺將會係明年一月再次求購修咸頓嘅法國防中舒尼達連。熱刺因挖走帕切蒂諾同聖徒鬧僵，而阿仙奴接連引入禾確特、張伯倫同張伯斯，雙方合作愉快，呢個係阿仙奴嘅優勢。
25歲法國防中舒尼達連今年夏天就要求離隊，但俾球會強留。佢嘅實力早已得到一致認可，佢因傷缺陣時，修咸頓被曼城、阿仙奴同曼聯三連殺，聯賽杯都出局，對聖徒嘅作用不言而喻。夏季熱刺只為舒尼達連報價1000萬英鎊，被聖徒果斷回絕，明天冬天佢地將再次登門求購，但會遭遇北倫敦對手阿仙奴嘅競爭。
夏天熱刺從聖徒挖走左帕切蒂諾，而且1000萬嘅超低報價都被回絕，雙方關系好僵。相比之下阿仙奴同聖徒合作相當愉快，阿仙奴簽下禾確特同張伯倫後，今夏又花1600萬鎊從聖徒引入張伯斯，轉會談判相對比較順利，同聖徒嘅良好關系係阿仙奴引入舒尼達連嘅優勢。阿仙奴係一月嘅頭號目標係中堅，但佢地都缺乏防守中場，肯定唔會俾熱刺求購舒尼達連呢種實力派防中。