拜仁皇馬又競爭！兩大豪門欲搶全歐洲兩大紅人！ 精選 推薦

今季多蒙特戰績慘烈，球隊頭號球星萊斯引起左唔少強隊嘅興趣。而且萊斯同多蒙特合同中嘅解約金條款都將會係出年夏天生效，價值2500萬歐元，對於估價達到5000萬歐元嘅萊斯黎講絕對係「抵到爛」。之前德國媒體爆料指，拜仁一直有意購入萊斯，但係宜家萊斯已經開始學習西班牙語，似乎打算加盟皇馬或巴塞。近日德國媒體《圖片報》獨家爆料，如果拜仁引入萊斯失敗，咁佢地將會轉攻利物浦嘅英格蘭新星史達寧。
據《圖片報》嘅消息指，拜仁主帥哥迪奧拿已經派出自己嘅朋友、蘇亞雷斯嘅經紀人前往英格蘭同利物浦展開談判。蘇亞雷斯走左之後，20歲嘅史達寧成為利物浦攻擊線嘅關鍵人物，對於宜家嘅利物浦黎講意義重大。佢同球隊嘅合同到2017年夏天先到期，係德國「轉會市場網站」身價達到2000萬歐元。
之前拜仁嘅引援目標一直係多蒙特嘅頭號球星萊斯，但據有消息稱出，雖然一直話萊斯將​​會係出年夏天加盟拜仁，但萊斯本人並未有加盟拜仁嘅意願，佢嘅未來好有可能係西班牙。眾所周知，萊斯從小就係多蒙特訓練，但佢最愛嘅球隊一直係西甲巴塞隆拿。除此之外據德國媒體嘅消息指，萊斯已經跟一名語言老師上左三個星期嘅西班牙語課程，似乎預示著佢將會係出年夏天加盟西甲聯賽。
正正係呢個情況下，拜仁要做好準備，所以提前製定好第二計劃。哥迪奧拿已經確定左史達寧就係佢嘅第二人選。拜仁有意史達寧，對於今季風雨飄搖嘅利物浦肯定唔係一個好消息。據英國媒體嘅消息，拜仁可能會迫使利物浦儘早同史達寧完成續約，簽訂一份新嘅長期合同。目前史達寧同利物浦嘅合同到2017年到期，週薪2萬5千英鎊。據稱利物浦希望同史達寧續約到2019年，週薪達到7萬英鎊。
事實上，有意史達寧嘅並唔係只有拜仁呢一間豪門，消息指皇馬都有意引入史達寧，並且早就為佢準備左一份合同，利物浦要想留人難度極大。拜仁同皇馬呢對歐洲宿敵可以講係同時為萊斯同史達寧展開左爭奪戰，宜家萊斯係全歐洲最紅嘅「小鮮肉」，星味十足、技術出色嘅佢無論係拜仁定係皇馬都能夠立足。而史達寧雖然後生，但已經係英超證明左自己嘅實力。