英媒指出利物浦今季成績差原因，目光短淺不購三大神鋒 精選 推薦

蘇亞雷斯離開後，利物浦成績大幅下滑，點解？ 《每日郵報》一名首席記者指出，羅渣士犯左一個原則性嘅錯誤，就係賣走蘇神之後，爭購唔到達亞高哥斯達、賓施馬甚至係阿古路咁樣嘅頂級鋒霸。
蘇亞雷斯係上季英超金靴，紅軍取得亞軍嘅佳績，佢功不可沒。今年夏天，利物浦將呢位鋒霸賣走之後，選擇左400萬英鎊買入林拔、1600萬英鎊嘅巴洛迪利，餘下投資就則用於安利簡恩、拉蘭拿、洛夫雲、拉沙馬高域、奧歷基、艾拔圖摩蘭奴等收購。紅軍買嘅人唔少，但睇起上黎，起到嘅作用似乎唔大。
呢名記者指出，利物浦賣走蘇亞雷斯後嘅引援策略就出左大錯，手握巨款嘅佢地失去左豪門風範，佢地本應去買皇馬嘅賓施馬、馬體會鋒霸達亞高哥斯達，甚至可以去撬曼城支柱阿古路。雖然，收購呢種嘅巨星唔係有錢就得，但如果成功，紅軍都未至於淪落到今天呢步田地。要知道，皇馬賣得走奧斯爾、迪馬利亞，未必唔會賣走賓施馬。
佢又認為，利物浦重蹈左上賽季熱刺嘅覆轍。白鹿徑軍團以世界第一身價賣走巴爾後同樣不思進取，佢地本來可以去競逐蘇亞雷斯等大牌，結果佢地選擇左將錢分散，用黎買拉美拿等人，事實證明成效同樣唔好。蘇亞雷斯同巴爾都係歐洲首屈一指嘅巨星，經常可以憑一己之力為球隊帶黎勝利。失去佢地對球隊嘅影響係不言而喻，利物浦同熱刺係失去佢地之後都犯左錯誤，佢地嘅球市操作意味佢地失去左雄心。當然，如今紅軍表現不佳，可以舉出好多理由，例如史杜列治飽受傷病困擾，史達寧狀態唔穩定，後防線空虛等等，但收購唔到一位蘇亞雷斯嘅合適接班人，先係最大嘅問題所在。利物浦首席執行官曾辯解指出一支球隊唔可能依靠一個人，但無數嘅事實說明，某個個體對於整個團隊係非常重要。