媒體曝美斯準備未來轉會車路士，法比將勸服好友來投 精選

據《阿斯報》援引阿根廷Direct TV電視頻道報道，美斯正係度為未來轉會車路士做準備，該電視台主要通過掌握一啲有關美斯嘅資料信息判斷美斯有可能會前往史單福橋。
第一係美斯想嘗試到另外一個聯賽踢波，就係英超，佢鍾意英超。值得一提嘅係，美斯嘅巴塞隊友沙維無耐前曾經對媒體討論過呢個可能性：「美斯係英超都仍然將會係最好嘅球員。」其次係美斯正係度學習英語，而且派人調查左倫敦嘅教育情況，佢個仔堤亞高都可能將前往倫敦接受教育。第三點係美斯對球會一啲做法不滿，包括係佢遭受西班牙財政部門嘅逃稅調查同媒體攻擊時，球會無好好咁保護佢。
另外，美斯嘅贊助商Adidas唔希望睇到美斯係Nike贊助嘅巴塞羅那效力。最後一點係美斯宜家同係車路士狀態火熱嘅法比加斯關系密切，小法將說服美斯加盟車路士，摩連奴都同意美斯黎藍軍。而且美斯嘅女友同小法嘅妻子關系都非同一般。
宜家諸多媒體之所以熱衷探討美斯嘅下家，主要都係因為佢係接受阿根廷《奧萊報》採訪時話未來一切都有可能發生，俾左外界猜測嘅餘地。美斯同巴塞羅那嘅毀約金係2億英鎊，對於車路士黎講，呢筆錢唔係問題，畢竟據說Adidas願意支付俾美斯下家一半嘅費用，美斯嘅到黎都會提升藍軍嘅商業價值。不過媒體分析畢竟只係分析，美斯嘅未來會係邊？或者只有佢自己知道。