拜仁欲搶皇馬獵物，禾夫斯堡4000萬解約金留當紅左閘 精選

禾夫斯堡左閘列卡度洛迪古斯早已成為左轉會市場上嘅搶手貨，今年夏天佢就已經引起左西甲豪門皇馬嘅興趣，除此之外據稱車路士、曼聯等隊都有意引入。近日德國媒體傳出消息指，拜仁慕尼黑都加入左洛迪古斯嘅爭奪戰，而且宜家洛迪古斯目前都係拜仁神醫到接受治療。不過對於轉會傳聞，禾夫斯堡高層表示，有信心令佢留隊。
22歲嘅洛迪古斯被視為係僅次於拜仁球員阿拉巴嘅左後閘，目前佢係德國「轉會市場網站」上嘅估價已經達到2800萬歐元，係德甲身價僅次於阿拉巴嘅後閘。近日唔少德國媒體都指出，德甲巨人拜仁慕尼黑有意引入佢，繼續增強球隊嘅陣容。目前洛迪古斯因為大腿肌肉受傷，係慕尼黑接受治療，為佢治療嘅正正係拜仁神醫。
對於洛迪古斯同拜仁之間嘅轉會緋聞，球會體育主管就表示，相信洛迪古斯唔會加盟拜仁，「如果有球員想走嘅話，我們絕對唔會強迫任何人繼續留隊。但係我地之前已經同佢傾過，佢希望繼續留係球隊。」事實上，狼堡想留洛迪古斯，要面對嘅唔只係拜仁嘅威脅，仲有皇馬、車路士、曼聯等球隊希望得到呢個優秀嘅後閘。但係，狼堡財大氣粗，財力唔會遜拜仁。
據德國媒體指，目前禾夫斯堡正努力同洛迪古斯完成續約。目前佢同禾夫斯堡嘅合同到2016年到期，年薪僅為200萬歐元。據稱禾夫斯堡已經為佢開出一份年薪翻倍、達到400萬歐元嘅新合同，希望可以打動到佢。除此之外，德國媒體仲爆料話洛迪古斯嘅新合同中仲有一份解約金條款，達到4000萬歐元。