英媒曝曼城欲續租林柏特，以頂替耶耶托利暫時離開的空缺 精選

據英國媒體《每日快報》消息，曼城將續租林柏特到今季結束，曼城將為佢提供19萬英鎊周薪。
林柏特今季告別左史丹福橋加盟左美國球隊紐約城FC，不過由於美國大聯盟新賽季要係出年3月先開始，所以林柏特以租借身份去到曼城。原本林柏特同曼城嘅租借合同出年1月到期，但由於佢狀態出色，係英超同聯賽杯各有兩球入賬，令柏歷堅尼產生左續租林柏特嘅諗頭。
柏歷堅尼嘅考慮周全，話哂下年1月中場大將耶耶托尼將回國參加非洲杯賽事，球隊需要林柏特。而佢本人都有興趣繼續踢英超，紐約城FC係曼城嘅衛星球隊，曼城想要續租林柏特自然唔係問題。
《每日快報》指林柏特已經係曼城提供嘅續租合同上簽字，佢將為曼城繼續效力到5月份，然後先去紐約城FC正式開啟美國大聯盟踢波嘅生涯。曼城為林柏特開出嘅周薪非常吸引，達到19萬英鎊，而佢係車路士最後一份合同中周薪只有15.1萬英鎊。