拿樸達欲再選巴塞主席，成功當選將邀摩帥執教 精選

巴塞前主席拿樸達正準備再次參加巴塞球會嘅主席競選，據《每日快報》消息，如果拿樸達當選，佢計劃將車路士主帥摩連奴帶到魯營執教。
拿樸達曾經係2003年至2010年擔任巴塞主席，係佢任職期間，巴塞奪得左2次歐聯同4次西甲冠軍，並係2009年創造左六冠王偉業。係最近嘅一次探訪中，拿樸達表示人們嘅支持同熱情令佢準備參加將會係2016年舉行嘅巴塞主席選舉。
巴塞最近兩季戰績下滑，同哥迪奧拿嘅離任並非無關係，馬天奴嘅改革未能成功，安歷基睇黎都好難成為巴塞嘅救世主。拿樸達計劃將摩連奴帶到魯營作為競選本錢嘅一部分，咁或者可以幫佢贏得更多嘅選票。摩帥雖然執教過巴塞嘅死對頭皇馬，但係佢始終係巴塞出黎嘅人，曾經係雲高爾手下工作過。而且摩連奴同皇馬嘅關係並唔好，幾乎係俾卡斯拿斯等人造反被迫離開。
係目前足球壇，同哥迪奧拿同一等級嘅教練唔多，摩連奴係其中之一。理論上，哥迪奧拿先係巴塞最適合嘅教練，但佢目前正係拜仁按照自己嘅理念打造球隊，唔至於放手唔理。當然，摩連奴嘅足球理念同巴塞有啲衝突，唔知巴塞球迷能唔能夠接受。